پۋتين جاڭا تەرريتوريالاردى قوسىپ الۋ تۋرالى جارلىققا قول قويدى. قولدا بار جەرلەرىن يگەرە الماي جاتقاندا، جاڭا تەرريتوريالار وعان مۇلدەم كەرەك ەمەس ەكەنى تۇسىنىكتى.
ول جاعدايدى ودان سايىن شيەلەنىستىرۋ ءۇشىن وسىلاي ىستەدى. وكىنىشكە قاراي، ول بۇل ارەكەت ادامدارعا، جالپى الەمگە قالاي اسەر ەتەتىنىنە قاراماستان، سوڭىنا دەيىن بارۋعا شەشىم قابىلدادى. بۇل اقىلدى ساياساتكەردىڭ شەشىمى ەمەس، اۋرۋ ادامنىڭ ارەكەتى.
الەم يادرولىق سوعىسقا ءبىر قادام جاقىنداي ءتۇستى. ادامزات كىمنىڭ قولىندا بولسا دا، ەشقاشان يادرولىق قارۋعا سەنۋگە بولمايتىنىن مۇنى باستان وتكىزىپ بارىپ قانا تۇسىنۋگە ءماجبۇر بولاتىن سياقتى. ءبىز قولىنا گراناتا ۇستاعان مايمىل سياقتىمىز.
ابايسىزدا تارتپاسىن تارتىپ قالىپ، ءوز ءوزىمىزدى جارىپ جىبەرۋىمىز ەرتە مە كەش پە ءتۇبى بولاتىن نارسە. نەمەسە بۇل تۋرالى تەاتردا ەگەر ءبىرىنشى اكتتا قابىرعادا قارۋ ءىلىنىپ تۇرسا، ءۇشىنشى اكتتا ول مىندەتتى تۇردە اتىلادى دەپ ايتادى.
ەگەر يادرولىق سوققىعا قاتىستى ەڭ ناشار ستسەناري بولا قالسا، ەشكىم تاسادا قالىپ قويمايدى. ءۇشىنشى دۇنيەجۇزىلىك سوعىس بولادى. پۋتين وسىلايشا بۇكىل الەمدى ءوز ەرەجەسىمەن ويناتۋعا ماجبۇرلەۋگە تىرىسادى.
الايدا شانتاجعا مويىنسۇنۋ ەشقاشان جاقسى نارسەگە الىپ كەلگەن جوق جانە بۇكىل الەم ونى جاقسى بىلەدى. سوندىقتان دا، ازىرگە جاعداي ودان سايىن ۋشىعىپ بارادى.
"ادىرنا" ۇلتتىق پورتالى
