«TALQYLAU» ساراپشىلارى قاسىم-جومارت توقاەۆتى قولداۋ جونىندەگى حالىقتىق كواليتسيانىڭ قۇرىلۋىن تالقىلادى

1784
Adyrna.kz Telegram

«AMANAT» پارتياسىنىڭ ورتالىق اپپاراتىندا «TALQYLAU» ديالوگ الاڭىنىڭ كەزەكتى وتىرىسى ءوتتى. بۇل جولعى ساراپتامالىق تالقىلاۋدىڭ تاقىرىبى: «قاسىم-جومارت توقاەۆتى قولداۋ جونىندەگى حالىقتىق كواليتسيا».

«AMANAT» پارتياسىنىڭ حاتشىسى داۋلەت كارىبەك اتاپ وتكەندەي، حالىقتىق كواليتسيانىڭ قۇرىلۋى جاڭا ساياسي مادەنيەت قالىپتاسقانىنىڭ، ەلدەگى بىرلىكتىڭ كءورىنىسى.

«قاسىم-جومارت كەمەلۇلى توقاەۆتىڭ قوعامدىق-ساياسي كۇشتەردىڭ كەڭ حالىقتىق كواليتسياسىنان پرەزيدەنتتىككە كانديدات رەتىندە ۇسىنىلۋى، مەملەكەت باسشىسىنىڭ جانە ونىڭ جۇرگىزىپ جاتقان اۋقىمدى الەۋمەتتىك-ساياسي رەفورمالار باعىتىنىڭ حالىق تاراپىنان كەڭ قولداۋعا يە ەكەندىگىنىڭ بىردەن-ءبىر دالەلى»،- دەدى داۋلەت كارىبەك.

ءوز كەزەگىندە «AMANAT» پارتياسىنان مءاجىلىس دەپۋتاتى ايدوس سارىم ءار پارتيانىڭ ءوز كوشباسشىلارى بار ەكەنىن، بىراق بۇل جەردە مەملەكەتشىلدىك، ۇلتتىق تۇرعىداعى ماسەلە تۇرعانىن اتاپ ءوتتى.

«باستى ماقسات – ەلدە جاسالىپ جاتقان رەفورمالاردى سوڭىنا دەيىن جەتكىزۋ، ولاردىڭ مىزعىماستىعىن قامتاماسىز ەتۋ. بۇل ءىستى سوڭىنا دەيىن ەڭ ۇزدىك، ەڭ دۇرىس جولمەن جەتكىزەتىن قازىرگى پرەزيدەنت. ەكىنشىدەن، الەمدەگى گەوساياسي جاعداي ۋشىعىپ بارا جاتىر. وسىداي ۋاقىتتا قاسىم-جومارت توقاەۆتان ارتىق ديپلومات، قايراتكەر تۇلعا جوق. سوندىقتان وسى جاعداياتتاردىڭ بارلىعىن ەسكەرە وتىرىپ، ءۇش پارتيا دا ەل مۇددەسى جولىندا ۇلكەن مەملەكەتشىلدىك تانىتىپ، باسقا دا 20-دان استام قوعامدىق ۇيىمدارمەن بىرىگىپ، توقاەۆتىڭ كانديداتۋراسىن ۇسىنىپ وتىر. مەنىڭشە، بۇل زاڭدى قۇبىلىس»، - دەدى ول.

ساياساتتانۋشى، «اق جول» پارتياسىنىڭ مۇشەسى ءبورىحان نۇرمۇحامەدوۆتىڭ ايتۋىنشا، ەڭ باستىسىسايلاۋ اشىق بولۋى كەرەك. سپيكەر كانديداتتاردىڭ الدىڭعى سايلاۋالدى باعدارلامالارىنىڭ قانشالىقتى ورىندالعانىن ءتۇسىنۋ ماڭىزدى ەكەنىن اتاپ ءوتتى.

ءماجىلىسكە «AMANAT» پارتياسىنان سايلانعان دەپۋتاتى جۇلدىز سۇلەيمەنوۆانىڭ ايتۋىنشا,حالىقتىڭ كواليتسيا – مەملەكەتتىڭ باسىنا كۇن تۋعان جاعدايدا بىرىگە الاتىنىمىزدىڭ ناقتى كورىنىسى.

قولدانبالى ەتنوساياسي زەرتتەۋلەر ينستيتۋتىنىڭ ديرەكتورى تالعات قاليەۆتىڭ ايتۋىنشا، بۇگىنگى تاڭدا قاسىم-جومارت توقاەۆتىڭ جەكە رەيتينگى كەز كەلگەن قوعامدىق ۇيىمنىڭ رەيتينگىنەن اسىپ تۇسەدى.

«ەكىنشى جاعىنان، پرەزيدەنتتىڭ بارلىق ساياسي پارتيالاردان تەڭ اراقاشىقتىقتى ۇستانۋ بۇل ساياسي كۇشتەر ءۇشىن جاڭا سىناق. سايلاۋدان كەيىن پارتيالار باسەكەگە قابىلەتتى ورتادا جۇمىس ىستەۋگە، سايلاۋشىلارمەن قارىم-قاتىناستى رەتتەۋگە ءماجبۇر بولادى. پارتيالار جۇيەلى وزگەرىستەرمەن اينالىسىپ، ەل بولاشاعىن قالىپتاستىرۋعا بەلسەندى ارالاسۋى كەرەك», - دەدى تالعات قاليەۆ.

ل.گۋميلەۆ اتىنداعى ەۇۋ-ءدىڭ پرورەكتورى جاننا قۇرمانعاليەۆا قاسىم-جومارت توقاەۆتىڭ سايلاۋعا حالىقتىڭ كواليتسيانىڭ اتىنان ءتۇسۋى قيسىندى ەكەنىن اتاپ ءوتتى.

«كەز كەلگەن بيلىكتىڭ ماڭىزدى فۋنكتسياسىقۇندىلىقتاردى دامىتۋ، ناسيحاتتاۋ عانا ەمەس، ەڭ الدىمەن ولاردى ۇستانۋ. پرەزيدەنتتىڭ بارلىق پارتيادان بىردەي اراقاشىقتىقتا بولۋ تۋرالى شەشىمى بيلىكتىڭ نەگىزگى قۇندىلىقتاردى ۇستاناتىنىن كورسەتەدى. بۇل بۇكىل قوعام ءۇشىن ماڭىزدى. جالپى، ءبىز جاڭا ساياسي جۇيەنىڭ پايدا بولعانىنا كۋا بولىپ وتىرمىز», - دەدى ول.

ديالوگ الاڭنىڭ مودەراتورى «AMANAT» پارتياسى ساياسي كەڭەسىنىڭ مۇشەسى، بەلگىلى تەلەجۇرگىزۋشى ماقسات تولىقباي بولدى.

ەسكە سالا كەتەيىك، استانادا قاسىم-جومارت توقاەۆتى قولداۋ جونىندەگى حالىقتىق كواليتسيانىڭفورۋمى ءوتتى. فورۋمعا «AMANAT», «اق جول»، قازاقستان حالىق پارتيا سەكىلدى ساياسي پارتيالاردىڭ جانە 20-دان استام رەسپۋبليكالىق قوعامدىق بىرلەستىكتەردىڭ ەكى مىڭنان استام وكىلى قاتىستى.

پىكىرلەر