الماتى قالاسى ىشكى ساياسات باسقارماسىنىڭ قولداۋىمەن «ادىرنا» ۇلتتىق-ەتنوگرافيالىق بىرلەستىگىنىڭ "ازاماتتىق بورىش" جوباسىنىڭ اياسىندا اۋعان سوعىسى ارداگەرلەرى قاتىسقان كەزدەسۋ شەكاراشىلار بولىمىندە ءوتتى.
بولىمشەنىڭ قاتارداعى جاۋىنگەرلەرى مەن ساردارلارى جينالعان ۇلكەن زالدا اۋعان سوعىسىنىڭ ارداگەرلەرى جاس جاۋىنەرلەرگە وزدەرىنىڭ جاۋىنگەرلىك تاجىريەسى تۋرالى ايتىپ بەردى. ءوز ومىرىندە قاۋىپكە تولا سوعىس تۋرالى كورگەن-تۇيگەنىمەن ءبولىستى. بولات قۇرامىسوۆ سوعىس جاعدايىنداعى اۋەجايدىڭ ماڭىزدىلىعىن قىزىقتى وقيعالارمەن ارلەي وتىرىپ بايادادى. اۋعان سوعىسىندا دارىگەر بولعان راحيمجان يۋسۋپوۆ تا ءتۇرلى جاعدايلار تۋرالى ايتتى. ماتادان جاسالعان شاتىردا ءتۇرلى كۇردەلى وتالاردى قالاي جاساعانىن. كەيبىردە ەلەكتر شامىنىڭ ءوشىپ قالاتىنىن، جارالانعان جاۋىنگەرلەرمەن قاتار جەرگىلىكتى حالىق وكىلدەرىن دە ەمدەگەندەرىن قىزىقتى ەتىپ ايتىپ بەردى.
كەزدەسۋدىڭ تاعى ءبىر قوناعى توسقاۋىلدا بىرنشەشە كۇن بولعاندارىن، تاماقتىڭ تاۋسىلعانىن، باراق شەپتى تاستاپ ەتۋگە بولمايتىنىن بايانداي وتىرىپ جاستاردى جاقسىلاپ شىنىعۋعا شاقىردى.
مادەنيەتتانۋشى بەردالى وسپان، قازاق حالقى باتىر دا قايسار ۇلت ەكەنىن دالەلەدەيتىن تاريحي مىسالدار كەلتىرە وتىرىپ قىزعىلىقتى اڭگىمە قوزعادى.
جاۋىنگەرلىك بورىشىن وتەپ جاتقان جاس جاۋىنگەر ۇرپاققا بۇنداي اڭگىمەلەر اۋاداي قاجەت-اق.
قوناقتار سول كەزگى باسقا ەلدەگى سوعىس جاعدايىنداعى ومىرمەن بۇگىنگى قازاقستانداعى بەيبىت ءومىردى سالىستىرا وتىرىپ جاستاردى قازاقستاننىڭ ەگەمەندىگى ەڭ قىمبات قازىنامىز ەكەنىن ايتتى. جاۋىنگەرلەرگە ەگەمەن ەلىمىزدىڭ شەكاراسىن كوزدەرىنىڭ قاراشىعىنداي ساقتاۋدى ءوتىندى.
«ازاماتتىق بورىش» جوباسىنىڭ جەتەكشىسى دوس سىماعۇل ءوز كەزەگىندە بولىمشە باستىعىنا جاۋىنگەرلەردىڭ جاقسى دايىندىعى ءۇشىن العىسىن ءبىلدىردى.
