رۋدنىيدا ءبىر ءۇيدىڭ ەكى بالاسى اۋرۋحانادان شىققاندارىنا 12 ساعات وتكەننەن كەيىن كوز جۇمدى. بۇل اقپاراتتى دەنساۋلىق ساقتاۋ باسقارماسىنىڭ ءباسپاسوز قىزمەتى راستادى، دەپ حابارلايدى «ادىرنا» ءتىلشىسى.
بالالار 12 قازان كۇنى مەديتسينالىق مەكەمەگە اياق جانسىزدانۋى، ەموتسيونالدىق تۇراقسىزدىق، دەنەنىڭ قالشىلداۋى سىندى بىرنەشە شاعىممەن كەلگەن. كەيىن بولىمشەگە ورنالاستىرىلىپ، ينفۋزيالىق تەراپيا العان.
«جاعدايلارى جاقسارعان سوڭ 13 قازاندا اناسىنىڭ تالابى بويىنشا اۋرۋحانادان شىعارىلدى. الايدا ولار 12 ساعاتتان كەيىن كوز جۇمدى. ءولىمنىڭ سەبەبى انىقتالىپ جاتىر»،—دەپ ءتۇسىندىردى ۆەدومستۆو.
