ءبىزدىڭ ەلدە وسى تۇتىنۋشى قۇقى دەگەن بار ما؟ مەملەكەتتىك ءتىلدىڭ ورىندالۋى دەگەن زاڭدىلىق بار ما؟
اراسىندا جەكسەنبىدە ءبىر ۋاقىت بالالاردى ءار ءتۇرلى ويىن الاڭدارىنا اپارامىن. ءار جولى قىزىمنىڭ اكە نەگە بۇلار قازاقشا سويلەمەيدى، ءبىز عانا سويلەيمىز عوي قازاقشا دەگەن ءسوزى باتادى.
ءتىپتى ەشقانداي جارناماسى، ەشقانداي قاعازدارى، بالالاردى قاۋىپتەن ساقتاندىرۋ ەسكەرتپەلەرى قازاق تىلىندە، مەملەكەتتىك تىلدە بولمايدى. ءبارى ورىسشا!
ال بىزدە پرەزيدەنت اۋزىنان ورىس ءتىلىن قورعايتىن حالىقارالىق ۇيىم قۇرۋ تۋرالى باستاما ايتىلادى. سوندا مەملەكەتتىك ءتىلدى كىم قورعايدى؟ قازاق ءتىلى كىمگە كەرەك؟ بۇل ەلدە مەملەكەتتىك ءتىل قانداي ءتىل؟ ونى نەگە ەل سىيلامايدى؟ بيزنەس سىيلامايدى؟ تىلدەردى دامىتۋ دەگەن باسقارماسى بار، ولاردىڭ قۇزىرەتى نە سوندا؟ رەسمي تۇتىنۋشى رەتىندە قازاق تىلىندە مەملەكەتتىك تىلدە رەسمي قىزمەت كورسەتۋدەن باس تارتسا، مەنىڭ قۇقىمدى كىم قورعايدى؟
بالالار ءبىزدىڭ بولاشاعامىز. ولاردىڭ ورتاسىن دا ورىس تىلىندە قۇرساق، ەسكەرتۋدى ورىسشا عانا جازساق سوندا بىزدە قازاق ءتىلدى بولاشاق ءوسىپ شىعا ما؟ ءبىزدىڭ ەلدە ءوزى قازاق ءتىلىنىڭ، قازاق ۇلتىنىڭ قۇقى مەن قاقى بار ما؟ ءسوزى جوعالعان حالىقتىڭ ءوزى دە جوعالادى، - دەيدى ۇلت ۇستازى احمەت بايتۇرسىنۇلى. ءوزى ءبىز جوعالىپ بارا جاتقان جوقپىز با؟
استانا قالاسى "ارۋجان" ساۋدا ويىن-ساۋىق ورتالىعىنىڭ بالالار ويىن الاڭدارىنان قازاقشا سىنىق ءسوز تاپپادىم. قازاقشا پاراقشا تولتىرام دەگەن جەرگە بالام قانشا كىرگىسى كەلسە دە، تولتىرساڭ ورىسشا بولماسا جوق دەگەسىن كىرە المادىق. ءبىز ءوزى قاي باعىتقا كەتىپ بارامىز؟ قانداي ەلمىز؟ ەلدە زاڭ بارما؟ مەملەكەت قۇرۋشى ۇلت قاقىسى بار ما؟
"ادىرنا" ۇلتتىق پورتالى
