19 قازان 2018 ج. الماتى قالاسى ىشكى ساياسات باسقارماسى مەن ءال-فارابي اتىنداعى قازاقۇۋ-ءنىڭ شىعىستانۋ فاكۋلتەتىنىڭ يرانتانۋ ءبولىمىنىڭ ۇيىمداستىرۋىمەن «بىرلىك – بەرەكە باستاۋى» اتتى كەش بولىپ ءوتتى. كەشتىڭ ماقساتى: قازاقستانداعى ەل بىرلىگى يدەياسىن ناسيحاتتاۋ بولىپ تابىلادى.
بۇل كەشكە «اريانا» اۋعان ورتالىعىنىڭ باسشىسى احمادۋللا ۆاستوك، «اريانا» اۋعان ورتالىعى باسشىسىنىڭ ورىنباسارى ازيزي راحيمۋللو ازيزۋللو، تاياۋ شىعىس جانە وڭتۇستىك ازيا كافەدراسىنىڭ مەڭگەرۋشىسى گابدۋللين كەنجەبەك تۋلەپبەرگەنوۆيچ, ءال-فارابي اتىنداعى قازاق ۇۋ-ءنىڭ شىعىستانۋ فاكۋلتەتى دەكانىنىڭ ورىنباسارى كانافەۆا شىنار ەرلانوۆنا، «ادىرنا» ۇلتتىق-ەتنوگرافيالىق بىرلەستىگىنىڭ باسشىلىرى، ءال -فارابي اتىنداعى قازۇۋ-ءنىڭ شىعىستانۋ فاكۋلتەتىنىڭ پوق جانە پارسى ءتىلىن مەڭگەرىپ جاتقان ءال -فارابي اتىنداعى قازۇۋ جانە قازاق مەملەكەتتىك قىزدار پەداگوگيكالىق ۋنيۆەرسيەتتىنىڭ ستۋدەنتتەرى قاتىستى. بۇل كەزدەسۋدى مودەراتور «ادىرنا» ۇلتتىق-ەتنوگرافيالىق بىرلەستىگىنىڭ بەلگىلى ءجۋرناليستى، مادەنيەتتانۋشى بەردالى وسپان جۇرگىزدى.
«اريانا» ورتالىعىنىڭ توراعاسى احمادۋللا ۆاستوك ءوز سوزىندە رۋحاني جاڭعىرۋ اياسىندا بولىپ جاتقان شارالار – ەلدەر اراسىنداعى تاتۋلىقتى بەكەمدەپ، ودان ءارى ىنتىماقتاستىقتى نىعايتا تۇسەدى. سونىڭ ىشىندە، اۋعانستان مەن قازاقستان بايلانىستارىنىڭ ودان ءارى دامۋىنا دا ۇلكەن سەرپىن بەرەدى. قازاقستان اۋعانستاننىڭ دامۋىنا ەرەكشە كوڭىل ءبولىپ وتىر، ەلباسى نۇرسۇلتان نازارباەۆتىڭ باستاماسىمەن قازاقستان اۋعانستانعا 2010 جىلدان بەرى 1000 اۋعان جاستارىن تەگىن وقىتىپ، قازىرگى كەزدە دە قازاقستاننىڭ جوو اۋعان جاستارىن وقىتۋ ودان ءارى ءوز جالعاسىن تاۋىپ وتىر. بۇل ءۇشىن احمادۋللا ۆاستوك ءوز ريزاشىلىعىن ءبىلدىردى.
«اريانا اۋعان ورتالىعى» قوعامدىق بىرلەستىگى توراعاسىنىڭ ورىنباسارى ازيزي راحيمۋللو ازيزۋللو دا ءوز سوزىندە ەكى ەلدىڭ اراسىنداعى مادەني، ەكونوميكالىق، ديپلوماتيالىق قاتىناستاردىڭ نىعايىپ كەلە جاتقاندىعىن تىلگە تيەك ەتتى. كەلەشەكتە اۋعانستانداعى ۋنيۆەرسيتەتتەرىنىڭ ءبىرى بولعان كابۋل ۋنيۆەرسيتەتىمەن قازاقستانداعى جوو بايلانىس جاساۋعا بولاتىنىن ايتىپ ءوتتى.
كەش بارىسىندا ستۋدەنتتەر پارسى تىلىندە قوناقتارعا مىناداي سۇراقتار بەردى: قازاقستان مەن اۋعانستان اراسىنداعى ديپلوماتيالىق بايلانىس قانداي دارەجەدە؟ ەكى ەلدىڭ اراسىنداعى ساۋدا-ساتتىقتى دامىتۋ ماسەلەسى قانداي جولعا قويىلعان؟ ەكى ەل مادەنيەتىندە ۇقساستىقتار بار ما؟ قازاقستان مەن اۋعانستان اراسىنداعى بايلانىستى ودان ءارى نىعايتۋدىڭ جولدارىن ايتا الاسىز با؟
قوناقتار بۇل سۇراقتاردىڭ جاۋابىن پارسى ءتىلىن ۇيرەنىپ جاتقان ستۋدەنتتەرگە ارنايى پارسى تىلىندە جاۋاپ بەردى.
«اريانا اۋعان ورتالىعى» قوعامدىق بىرلەستىگى وكىلدەرى كەلەشەكتە شىعىستانۋ فاكۋلتەتىمەن تىعىز بايلانىس جاساۋعا ءازىر ەكەندىگىن ايتىپ جانە وسىنداي كەشتى ۇيىمداستىرعان ۇيىمداستىرۋشىلارعا العىستارىن ءبىلدىردى.
سادىقوۆا ر.ك.
