قاراعاندىدا تاكسي جۇرگىزۋشىسىن ولتىرگەن كۇدىكتى ۇستالدى. بۇل تۋرالى Polisia.kz مالىمدەدى، دەپ حابارلايدى “ادىرنا” ۇلتتىق پورتالى.
“27 قازان كۇنى ساعات 17.00 شاماسىندا قاراعاندى قالالىق پوليتسيا باسقارماسىنا قاراستى كيروۆ پوليتسيا بولىمىنە ۋچيتەلسكايا كوشەسىندە بىرنەشە پىشاق جاراقاتى بار 59 جاستاعى ازاماتتىڭ ءمايىتى تابىلعاندىعى تۋرالى حابارلاما ءتۇستى. وقيعا ورنىنا وبلىستىق پوليتسيا دەپارتامەنتى جانە قالالىق پوليتسيا باسقارماسىنىڭ جەدەل-تەرگەۋ توپتارى جىبەرىلدى. پوليتسيا قىزمەتكەرلەرىمەن جابىرلەنۋشىنىڭ تاكسي جۇرگىزۋشىسى بولىپ جۇمىس ىستەگەنى انىقتالدى”،- دەلىنگەن حابارلامادا.
اتالعان فاكتى بويىنشا قازاقستان رەسپۋبليكاسى قىلمىستىق كودەكسىنىڭ 99-بابى 1-بولىگىنە سايكەس قىلمىستىق ءىس قوزعالدى.
“كريمينالدىق پوليتسيا قىزمەتكەرلەرىمەن جۇرگىزىلگەن جەدەل-ىزدەستىرۋ جانە ارنايى ءىس-شارالارى بارىسىندا اسا اۋىر قىلمىس جاسادى دەگەن كۇدىكپەن 25 جاستاعى قالا تۇرعىنى ۇستالدى. ول جۇرگىزۋشىگە جول اقىسىنا كەلىسپەۋشىلىك بارىسىندا پىشاق جاراقاتىن سالعانى تۋرالى مويىنداۋ كورسەتپە بەلگىلەرىن بەردى. كەيىن كۇدىكتى تاكسيدى ايداپ كەتىپ، جبي ىقشام اۋدانىنا بارار جولداعى تەمىرجول وتپەسىنىڭ جانىنا تاستاپ كەتكەن”،- دەلىنگەن حابارلامادا.
