قازاقتىڭ سپورت جانە تۋريزم اكادەمياسىندا ستۋدەنتتەر اراسىندا قازاق كۇرەسىنەن ەربول سىپاتاەۆتى ەسكە الۋعا ارنالعان تۋرنير ءوتتى.
جەلتوقسان وقيعاسىنىڭ قاھارمانىن ەسكە الۋعا ارنالعان تۋرنيرگە الماتى قالاسىنداعى جوعارعى وقۋ ورىندارىنىڭ ستۋدەنتتەرى قاتىستى.
جارىستىڭ اشىلۋ سالتاناتى ەربول سىپاتاەۆتى ءبىر مينۋت ۇنسىزدىكپەن ەسكە الۋمەن باستالدى. ودان سوڭ جەلتوقسانشى گۇلباحرام ءجۇنىس، ەسىمتانۋشى بەردالى وسپان، اكادەميانىڭ پرورەكتورى مۇحتار ەسقاراەۆ جانە «ادىرنا» ەتنوگرافيالىق بىرلەستىگىنىڭ توراعاسى ارمان اۋباكىرلەر بوزداقتاردىڭ ومىرىنەن سىر شەرتىپ، سولاردىڭ ارقالاعان اماناتىن جاستارعا ۇلگى ەتىپ، ەلىنىڭ پاتريوتى بولۋعا شاقىردى.
تارتىستى وتكەن باسەكەلەردە ءبىرىنشى ورىندى ءال-فارابي اتىنداعى قازۇۋ-دىڭ ستۋدەنتى ق.ورىنباسار ، ەكىنشى جانە ءۇشىنشى ورىنداردى قازاقتىڭ سپورت جانە تۋريزم اكادەمياسىنىڭ ستۋدەنتتەرى م.بەردىعالي مەن ا.وڭالباي الدى.
جارىس سوڭىندا جۇلدەگەرلەر سىيلىقتارمەن، مەدالدارمەن جانە ديپلومدارمەن ماراپاتتالدى.
جاسۇلان ءناۋرىزالى،
"ادىرنا" ۇلتتىق پورتالى
