فۋتبولدان قازاقستان ۇلتتىق قۇراما ويىنشىلارىنىڭ Transfermarkt.de سايتىنداعى قۇندارى كوتەرىلدى دەپ حابارلايدى Sports.kz سايتى.
بۇگىنگى تاڭدا ەڭ قىمبات 10 ويىنشىلار ءتىزىمىن نازارلارىڭىزعا ۇسىنامىز:
دميتري شومكو - ەكى جارىم ميلليون ەۆرو تۇرادى. «استانا» كلۋبىنىڭ قورعاۋشىسىنىڭ بۇرىنعى باعاسى دا وسى بولاتىن.
ەكىنشى ورىندا تاعى ءبىر «استانالىق» رومان مۋرتازاەۆ -ەكى جارىم ميلليون. بۇرىن 1,2 ميلليون ەۆرو ەدى.
ۇزدىك ۇشتىكتى «قايراتتىڭ» كاپيتانى باۋىرجان يسلامحان قورىتىندىلاپ تۇر «باتوريدىڭ باعاسى - ەكى ميلليون 300 مىڭ ەۆرو (1,8 ملن).
الەكسەي ششەتكين - ەكى ميلليون ەۆرو (1 ملن).
يسلامبەك قۋات- ءبىر ميلليون سەگىز ءجۇز مىڭ ەۆرو (1,5 ملن).
عافۋرجان سۇيىمباەۆ - ءبىر جارىم ميلليون ەۆرو (1,2 ملن).
ەركەبۇلان تۇنعىشباەۆ -ءبىر ميلليون ءۇش ءجۇز مىڭ ەۆرو (1 ملن).
ابزال بەيسەبەكوۆ - ءبىر ميلليون ەكى ءجۇز مىڭ ەۆرو (1 ملن).
ستاس پوكاتيلوۆ - ءبىر ميلليون ەكى ءجۇز مىڭ ەۆرو (1 ملن).
باحتيەر زاينۋتدينوۆ -ءبىر ميلليون ەكى ءجۇز مىڭ ەۆرو (750 مىڭ).
فۋتبولشىلارىمىزدىڭ باعاسى كوتەرىلگەنىمەن ۇلتتىق قۇرامامىزدىڭ الەمدىك كەستەدەگى ورىنى جىل سايىن كەرى كەتىپ بارادى. قۇراما تىزگىنىن ۇستاعان «سيقىرشى» ستويلوۆتىڭ ءوزى دە كومەكتەسە الماۋدا. 2018-ءشى جىلدى فيفا رەيتينگىندە اياقدوپشىلارىمىز 119-شى ورىنمەن اياقتادى.
