ورتالىق ازيا مەديافورۋمىنىڭ ەكىنشى كۇنى «حالىقارالىق ۇيىمدار – ىنتىماقتاستىق كوپىرى» پانەلدىك سەسسياسىنان باستالدى. وندا تۇركى مەملەكەتتەرى ۇيىمىنىڭ ءبىرىنشى باس حاتشىسى حاليل اقىنجى ءسوز سويلەدى. ول ەلدەردى حالىقارالىق ىنتىماقتاستىقتى نىعايتۋعا شاقىردى.
«تۇركى كەڭەسىنىڭ مۇشەلەرى قاراما-قايشىلىقتا بولماۋى كەرەك، بىراق ءبىر-بىرىمەن ىنتىماقتاسۋى كەرەك. تۇركى ەلدەرى ەۋروپادان ازياعا دەيىن ورنالاسقان، وندا ءبىزدىڭ كورشىلەرىمىز بار، ءبىز ولارمەن ىنتىماقتاستىقتا بولۋىمىز كەرەك. ءبىز سونداي-اق ىشكى قاقتىعىستاردى شەشۋدە ءرول اتقارۋىمىز كەرەك. ءبىزدىڭ ەكونوميكامىز كۇردەلى. تەك ىنتىماقتاستىق ارقىلى شەشىلۋى كەرەك ماسەلەلەر بار. مىسالى، سۋ تاپشىلىعى. تاعى ءبىر ماڭىزدى ماسەلە – قاۋىپسىز ايماقتىق كورشىلىك. ءبىزدىڭ كورشىمىز اۋعانستان، ەگەر وندا بىردەڭە بولسا، بۇل بىزگە تىكەلەي اسەر ەتەدى. بىزدە ولارمەن تاريحي قاۋىمداستىق بار. ءبىز وسى وڭىردە قاۋىپسىزدىك پەن تۇراقتىلىقتى ورناتۋعا ۇلەس قوسۋىمىز كەرەك»، - دەدى سپيكەر.ەستەرىڭىزگە سالا كەتەيىك، بۇگىن ورتالىق ازيا مەديا فورۋمىنىڭ ەكىنشى كۇنى. ءىس-شارانى ۇيىمداستىرۋشى-اقپارات جانە قوعامدىق دامۋ مينيسترلىگى.
ۇقساس جاڭالىقتار
