اۋا رايى: ەلىمىزدىڭ بىرنەشە وبلىسىندا دابىلدى ەسكەرتۋ جاريالاندى

قازاقستاننىڭ باسىم اۋماعىندا جاۋىن-شاشىندى جانە قۇبىلمالى اۋا رايى كۇتىلۋدە. رەسپۋبليكانىڭ كەي جەرلەرىندە تۇمان، كوكتايعاق جانە بۇرقاسىن بولىپ، جەل كۇشەيەدى دەپ حابارلايدى قازگيدرومەت. اۋا رايى: ەلىمىزدىڭ بىرنەشە وبلىسىندا دابىلدى ەسكەرتۋ جاريالاندى كورەنكى فوتو: سپۋتنيك قازاقستان الماتى، جامبىل وبلىستارىندا تۇمان ءتۇسىپ، كوكتايعاق بولادى، جەل 15-20 م/س، تۇندە ەكپىنى 23-28 م/س جەتەدى. شىعىس قازاقستان وبلىسىندا بۇرقاسىنداتىپ، كوكتايعاق بولادى، جەل 15-20, ەكپىنى 25 م/س كۇشەيەدى. باتىس قازاقستان وبلىسىنىڭ كەي جەرلەرىندە تۇندە تۇمان ءتۇسىپ، كوكتايعاق بولادى، كۇندىز جەل 15-20 م/س كۇشەيەدى. اتىراۋ وبلىسىندا تۇمان ءتۇسىپ، كوكتايعاق بولادى، جەل 15-23 م/س كۇشەيەدى. اقمولا، سولتۇستىك قازاقستان، قوستاناي، پاۆلودار وبلىستارىنىڭ كەي بولىكتەرىندە تۇمان تۇسەدى. اقتوبە، قاراعاندى وبلىستارىنىڭ كەي جەرلەرىندە تۇمان ءتۇسىپ، جەل 15-20 م/س كۇشەيەدى. ءۇش وبلىستا دابىلدى ەسكەرتۋ جاريالاندى 16-17 قاڭتاردا ماڭعىستاۋ وبلىسىندا جەل 15-20, ەكپىنى 25 م/س دەيىن كۇشەيەدى. 16 قاڭتاردا تۇركىستان وبلىسىنىڭ كەي جەرلەرىندە تۇمان ءتۇسىپ، كوكتايعاق، تۇندە سولتۇستىك-باتىستان 15-20 م/س جىلدامدىقپەن جەل سوعادى. 16-18 قاڭتاردا قىزىلوردا وبلىسىندا تۇمان تۇسەدى، 16 قاڭتاردا كەي جەرلەردە كوكتايعاق بولادى.