رەسەي كيەۆ، ودەسسا، حاركوۆ جانە ۋكراينانىڭ باسقا ايماقتارىنا وق جاۋدىرىپ جاتىر. دنەپردە تۇرعىن ءۇيدى اتقىلادى. جارالانعاندار جانە قازا تاپقاندار بار، دەپ حابارلايدى “ادىرنا” ۇلتتىق پورتالى.
دنەپردە رەسەي زىمىرانى كوپقاباتتى ءۇيدىڭ ۇستىنە ءتۇستى. الدىن الا دەرەكتەر بويىنشا ون ادام جارالانعان. ولاردىڭ ەكەۋى - بالالار.
- زارداپ شەككەندەردىڭ ۇشەۋى اۋىر جاعدايدا، ولاردىڭ بارلىعى اۋرۋحاناعا جەتكىزىلدى، - دەپ حابارلادى وبلىس باسشىسى ۆالەنتين رەزنيچەنكو.
پرەزيدەنت كەڭسەسى باسشىسىنىڭ ورىنباسارى كيريلل تيموشەنكونىڭ ايتۋىنشا، ۇيىندىلەر اراسىنان 15 ادام ارشىپ الىنعان. بولجامدارعا سەنسەك، قازا تاپقان جانداردىڭ قاتارى كوپ بولۋى مۇمكىن.
“ادىرنا” ۇلتتىق پورتالى
