بيىل قازاق تاريحىنداعى ايتۋلى وقيعالاردىڭ ءبىرى – وربۇلاق شايقاسىنىڭ 375 جىلدىعى. «الاش پرايد» كلۋبى كەزەكتى مما ءتۋرنيرىن تالدىقورعان قالاسىندا وتكىزىپ، وعان «وربۇلاق شايقاسى» دەگەن ات بەردى. جارىستان كەيىن كلۋبتىڭ پرەزيدەنتى دانيار قاسقاراۋوۆ مىرزامەن اڭگىمەلەسكەن ەدىك.
جاسۇلان ءناۋرىزالى: دانيار مىرزا، «وربۇلاق شايقاسى» ءتۋرنيرى جىلدى قورىتىندىلايتىن جارىس بولعانى بەلگىلى. ۇيىمداستىرۋ كەزىندە قانداي دا ءبىر قيىندىقتار بولدى ما؟
دانيار قاسقاراۋوۆ: جالپى، بيىلعى جىلى جەكە جانە بىرلەسكەن جارىستاردى قوسقاندا شىمكەنت، الماتى، استانا، تاراز، قاپشاعاي جانە تالدىقوعان قالالارىندا التى تۋرنير وتكىزدىك. مۇنى جاقسى كورسەتكىش دەپ ايتۋعا تولىق نەگىز بار دەپ ەسەپتەيمىن. قورىتىندى جارىسىمىز قاراشا ايىندا الماتىداعى «الماتى-ارەنادا» ءوتۋى كەرەك بولعان. امەريكادان، برازيليادان الدىراتىن سپورتشىلاردى شاقىرتۋ قوماقتى قاراجاتتى تالاپ ەتتى. وسىلاردىڭ بارلىعىنا سپونسورلار تابۋ قيىنعا سوقتى.
ءسويتىپ جۇرگەندە قاراشاعا بەلگىلەنگەن ءتۋرنيردىڭ ورىندالۋى سوزىلىپ-سوزىلىپ جەلتوقسانعا كەلىپ تىرەلدى. بىراق وسى جوسپارمەن ءجۇرىپ جاتقان كەزدە «Titan FC 51» ءتۋرنيرى بولاتىنىن ەستىپ، ارداق نازاروۆ باۋىرىمىزعا كەدەرگى جاسامايىق دەپ، تالدىقورعاندا وتكىزۋگە شەشىم قابىلدادىق. سوعان قاراماستان مما تۋرنيرىنە رەيتينگى جوعارى سپورتشىلار كەلىپ، جارىستىڭ جوعارى دەڭگەيدە وتۋىنە سەپتىگىن تيگىزدى.
جاسۇلان ءناۋرىزالى: ەندى جەكپە-جەكتەرگە توقتالساق. باستى باسەكە قازاقستاندىق ەرمەك تلاۋوۆ پەن رەسەيلىك ءابدىمۇتالىپ قايىربەكوۆ (ابدۋمۋتاليب گايىربەكوۆ) اراسىندا ءوتتى. العاشقىدا قازاق جىگىتى وزىنە تىم سەنىمدى كورىنگەندەي بولىپ ەدى، راۋىند وتكەن سايىن قاتەلەسۋگە ءماجبۇر بولعان سياقتى. جەڭىلۋىنە تۇرتكى بولعان باسقا دا سەبەپتەر بار ما؟
دانيار قاسقاراۋوۆ: ەرمەك تلاۋوۆتىڭ قارسىلاسىن ءجايدان-ءجاي الىپ كەلگەن جوقپىز. اتاعى مەن رەكوردىنا نازار اۋداردىق. داعىستاننىڭ ماحاچكالاسىنداعى «شتورم» كومانداسىندا جاتتىعادى. ABC, FIGHT NIGنT, WLF تۋرنيرلەرىنىڭ جەڭىمپازى. اۋەسقويلار اراسىندا مما-دەن رەسەي جانە الەم چەمپيونى. ەرمەك تە وسال جىگىت ەمەس. گرەك-ريم كۇرەسىنەن سپورت شەبەرلىگىنە ۇمىتكەر، گرەپلينگتەن ARLAN ءGRىP ءتۋرنيرىنىڭ جەڭىمپازى، 2014 جىلعى FIGHT NIGHTN, اۆس تۋرنيرلەرىنىڭ جەڭىمپازى، تەسن كرەەر جەىمپازى (كراسنودار، 2015), اlash praide & APRP ءتۋرنيرىنىڭ چەمپيونى. مما تۋرنيرىندەگى 19 قارسىلاسىنىڭ 15-ءىن جەڭگەن.
جاسۇلان ءناۋرىزالى: دەمەك، «الاش پرايد» كلۋبى جەكپە-جەككە شىعاتىن سپورتشىلاردىڭ دەڭگەيىنە ءمان بەرەتىن بولىپ تۇر عوي؟
دانيار قاسقاراۋوۆ: ءيا، ءبىزدىڭ كلۋبتىڭ باستى ارتىقشىلىعى وسىندا دەپ بىلەمىن. جارىستاردى ۇيىمداستىرىپ جۇرگەنىمىزگە 8 جىل بولدى. سىرتتان وسال سپورتشى شاقىرىپ، جىگىتتەرگە ساباتىپ قويۋ – نامىسىمىزعا سىن. مۇنداي جاعداي جانكۇيەرلەردى بىلاي قويعاندا، ءوزىمىزدى-ءوزىمىز الداعانمەن بىردەي. «وربۇلاق شايقاسى» وسىعان مىسال بولا الادى. جارىستى قانشاما ادام كورىپ وتىر، تەلەديداردان دا تاماشالاپ وتىرعاندار بار. سوندىقتان جارىستىڭ ءادىل ءوتۋىن قاداعالاپ، شەتەلدەن دە تورەشىلەر شاقىرتتىق.
ەرمەك پەن ءابدىمۇتالىپتىڭ جەكپە-جەگىنە كەلەر بولساق – ەرمەك تاكتيكالىق تۇرعىدا قاتەلىك جىبەردى. ءسىز ايتقانداي وزىنە تىم سەنىمدى بولدى. ۋاقىتتىڭ ازدىعى دا جەڭىلۋىنە سەبەپشى بولدى. (بارلىق جەكپە-جەك 3 راۋندتان ءوتتى)
جاسۇلان ءناۋرىزالى: «وبۇلاق شايقاسىنداعى» ءوزىنىڭ ەرەكشەلىگىمەن كوزگە تۇسكەن سپورتشى دەپ كىمدەردى اتايسىز؟
دانيار قاسقاراۋوۆ: 66,2 كگ تاكسيم زابيتوۆ شەشەنستاندىق قارسىلاسى سايد-سەلىم ماتاەۆتى ۇتتى. تاكسيم بيىلعى جەكپە-جەكتەرىنىڭ بارلىعىندا جەڭىسكە جەتتى. جەڭىل سالماقتاعى (56,7 كگ) باقتيار نەسىپبەكتى دە ايتۋعا بولادى. ول نەگىزىنەن ەكى اياقتا ءجۇرىپ (ستويكادا) توبەلەسۋدىڭ شەبەرى. وسى جولى وزبەكستاندىق حولداروۆتى پارتەردە (ەدەندە جاتىپ) اۋىرتۋ ءتاسىلىن جاساپ كوزگە ءتۇستى. حولداروۆتىڭ پارتەردە مىقتىلىعىن بىلەتىنبىز. ونىڭ الدىن وراپ كەتكەنىنە قاراپ، باقتياردى بولاشاعىنان زور ءۇمىت كۇتتىرەتىن، الدىنا ماقسات قويا بىلەتىن سپورتشى دەپ ايتا الام.
جاسۇلان ءناۋرىزالى: كەيدە قۋانىشپەن قاتار «اتتەگەن-ايلار» دا بولىپ جاتادى. وسىلارعا توقتالىپ كەتسەڭىز...
دانيار قاسقاراۋوۆ: ارتيوم رەزنيكوۆ، جۇمان جۇمابەكوۆ، دەنيس مۋتسينەك، تاكسيم زابيتوۆ، ەرمەك تلاۋوۆ. وسى اتالعان بەس ساقا سپورتشىنىڭ (توپوۆوي بويتسوۆ) – ۇشەۋى ۇتىلىپ قالدى. جۇمان جۇمابەكوۆ ماگومەت ءابدىراحيموۆتىڭ تەپكىسىنە قورعانىس قويامىن دەپ قولىن سىندىرىپ الدى. قولى سىنعانىن ءۇشىنشى راۋىنتتا عانا ءبىلىپ، جەكپە-جەكتى توقتاتتىق. دەنيس مۋتسىنەك قۇشتاربەك الىبەۇلىن (قىرعىزستان) ءبىرىنشى راۋندتا موينىنان قىلعىندىرامىن دەپ ءجۇرىپ، كۇشىن سارقىپ الدى. ەرمەكتىڭ جايىن جوعارىدا ايتتىق.
جاسۇلان ءناۋرىزالى: الدا قانداي جوسپارلار بار؟
دانيار قاسقاراۋوۆ: جارىسىستاردى كوپتەپ وتكىزىپ، اسۋ الىمباەۆ، باقتيار نەسىپبەك سەكىلدى تالانتتى جىگىتتەردى الەمدىك ارەناعا شىعارۋ. جۋىق ارادا ەۆگەني ەگەمبەرديەۆ گروزنىي قالاسىنا اسا 91 تۋرنيرىنە بارعالى جاتىر.
اڭگىمەڭىزگە راحمەت!
اڭگىمەلەسكەن جاسۇلان ءناۋرىزالى
«ادىرنا» ۇلتتىق پورتالى
