ارالاس جەكپە-جەك شەبەرى، داعىستاندىق سپورتشى حابيب نۋرماگومەدوۆ ايگىلى كونور ماكگرەگورمەن وتكىزگەن كەزدەسۋدەن سوڭ توعىز ايعا سپورتتان شەتتەتىلدى. بۇل شەشىمدى نەۆادا شتاتىنىڭ اتلەتيكالىق كوميسسياسى قابىلدادى دەپ حابارلايدى Life سايتىنا سىلتەمە جاساعان NUR.KZ.
شەتتەتۋ مەرزىمى جەكپە-جەك ۋاقىتىنان، ياعني 6 قازاننان باستالعان.ودان بولەك، كوميسسيا تانىمال سپورتشىعا جارتى ملن دوللار كولەمىندە ايىپپۇل تولەتپەك.
بۇل كەزدەسۋدەن سوڭ ماكگرەگور دا جازاسىز قالعان جوق. ول التى ايعا سپورتتان شەتتەتىلىپ، 50 مىڭ دوللار ايىپپۇل تولەيتىن بولادى.
ايتا كەتەيىك، حابيب نۋرماگومەدوۆ پەن كونور ماكگرەگوردىڭ اراسىندا UFC كەزدەسۋى وتكەن جىلدىڭ قازان ايىندا بولعان.
يرلاندىق سپورتشى حابيبكە ءتورتىنشى راۋندتىڭ ءتورتىنشى مينۋتىندا ەسە جىبەردى.
Басқалармен бөлісе отырыңыз
