قازاقستاندىق بوكسشى 25 جاستاعى جانىبەك ءالىمحانۇلى كاسىپقوي بوكستا بەسىنشى رەت جەڭىسكە جەتتى دەپ حابارلايدى vesti.kz سايتى. ول اقش-تىڭ فريسكو قالاسىندا (تەحاس شتاتى) وتكەن بوكس كەشىندە 28 جاستاعى ستيۆەن مارتينەسپەن كەزدەسىپ، جەڭىسكە جەتكەن. سەگىز راۋندتان تۇرعان جەكپە-جەك بەسىنشى راۋندتا اياقتالعان.
بۇل - قازاقستان بوكسشىسىنىڭ كاسىپقوي بوكستاعى بەسىنشى جەكپە-جەگى، ونىڭ ۇشەۋى اقش-تا وتكەن.
ءالىمحانۇلى اۋەسقوي بوكستا جۇرگەندە 2013 جىلى الەم چەمپيونى اتاندى. 2016 جىلى ريودا وتكەن وليمپيادا ويىندارىنا قاتىستى. 2016 جىلى الماتىدا كاسىپقوي بوكستاعى العاشقى جەكپە-جەگىن وتكىزدى. ال 2018 جىلدىڭ ماۋسىمدا اقش-تاعى Top Ring پروۋموۋتەرلىك كومپانياسىمەن كەلىسىم-شارت جاساسقان.
