Kaspi بانك 5 بالانىڭ اتا-اناسىنىڭ قارىزىن كەشىردى

2152
Adyrna.kz Telegram

ءورت سالدارىنان 5 بالاسىنان ايىرىلعان استانالىق سيتەرلەر وتباسىنىڭ 4 بانكتەن العان نەسيەسى بار ەكەن. ونىڭ ءبىرى - Kaspi bank. قالعان ۇشەۋى بەلگىسىز.

بۇگىن Kaspi بانك باسشىلىعى وتباسىنىڭ قايعىسىنا ورتاقتاسا وتىرىپ، اتالمىش بانكتەن العان نەسيەلىك قارىزىن تۇگەل جابۋعا شەشىم قابىلداپتى.

ء"بىز بۇل قايعىلى جاڭالىقتى ەستىپ تاڭ قالدىق. Kaspi.kz-ءتىڭ باسشىلىعى سيتەرلەر وتباسىنىڭ نەسيەلەرى بويىنشا قارىزدى جابۋ تۋرالى شەشىم قابىلدادى", - دەدى بانك وكىلى.

ايتا كەتەيىك، قايعىلى وقيعا دۇيسەنبىگە قاراعان ءتۇنى بولعان. سارىارقا اۋدانى شىڭعىستاۋ كوشەسىندە ورنالاسقان "ۆرەميانكادا" تۇنگى ۇشتە ءورت شىققان. كوپ ۇزاماي ۋاقىتشا سالىنعان باسپانانىڭ شاتىرى قيراپتى. ءتىلسىز جاۋ تۋرالى حابار ءورت ءسوندىرۋ قىزمەتىنە 03.24 كەزىندە جەتكەن، ءورت سوندىرۋشىلەر جالىندى ءبىر ساعاتتان سوڭ ءسوندىردى. جانىپ كەتكەن ۇيدەن 2006, 2008, 2013, 2015 جانە 2018 جىلدارى تۋعان بالالاردىڭ دەنەسى تابىلعان.

ولاردىڭ اتا-اناسى توتەنشە وقيعا كەزىندە جۇمىستا بولىپتى.

ءورت اۋماعى – 30 شارشى مەتر، جالىندى سوندىرۋگە 17 ءورت ءسوندىرۋشى مەن 5 كولىك قاتىسقان، بۇدان بولەك توتەنشە جاعدايلار كوميتەتىنىڭ ورتالىق وڭىرلىك اەروموبيلدى جەدەل قۇتقارۋ جاساعىنان ءتورت ادام مەن ءبىر كولىك جۇمىلدىرىلعان.

بۇگىن استانا قالاسىندا 5 بالانى جەرلەۋ ءراسىمى ءوتتى.

پىكىرلەر