"بۇگىنگى جاڭارعان «AMANAT» پارتياسىنا نازارباەۆتىڭ دا، نىعماتۋليننىڭ دە ىقپالى جۇرمەيدى". بۇل پىكىردى ءماجىلىس دەپۋتاتتىعىنا ۇمىتكەر امانجول ءالتاي جاڭاارقا اۋدانىندا سايلاۋشىلارمەن كەزدەسۋ كەزىندە ايتتى، دەپ جازادى "ادىرنا" ۇلتتىق پورتالى.
"بۇگىنگى جاڭارعان «AMANAT» پارتياسىنا نازارباەۆتىڭ دا، ونىڭ اۋلەتىنىڭ دە، نىعماتۋليننىڭ دە، بايبەكتىڭ دە، باسقالارىنىڭ دا ىقپالى جۇرمەيدى. جاڭا پارتيا ءوزىنىڭ مۇلكىمەن جاڭارمايدى. پارتيا قابىلەتتى جاڭا كادرلارمەن جاڭارادى. پارتيانى جاڭارتاتىن، جاڭعىرتاتىن حالىقتىڭ سەنىمە يە بولاتىن كىم؟ ول - تۇلعالار، جەكە ادامدار. بۇگىنگى «AMANAT» پارتياسىنىڭ باسشىلىعىنا جاڭادان كەلگەن قۇرامى دا، ساياسي كەڭەس مۇشەلەرى دە حالىققا ءوزىنىڭ شىنايى جاناشىرلىعىمەن كەلگەن تۇلعالار، ادامدار", – دەدى امانجول ءالتاي.
"ادىرنا" ۇلتتىق پورتالى
