قازاقستاندا ستاتسيونارلاردى وڭتايلاندىرۋ جۇمىستارى ءجۇرىپ جاتىر. دەنساۋلىق ساقتاۋ ءمينيسترى ەلجان ءبىرتانوۆ ەلىمىزدە اۋرۋحانا تىم كوپ دەگەن مالىمدەمە جاسادى، - دەپ حابارلايدى"ادىرنا" پورتالى Tengrinews.kz سايتىنا سىلتەمە جاساپ.
"اسىرەسە ستاتسيونارلاردى وڭتايلاندىرۋ جايلى ايتىپ جاتىرمىز. بىزدە اۋرۋحانا تىم كوپ ەكەنىن ايتقىمىز كەلەدى. جاتاتىن ورىن كوپ، اۋرۋحانا تىم كوپ. اۋرۋحانالاردى وڭتايلاندىرۋ اكىمشىلىك شىعىندارىمىزدى ايتارلىقتاي ازايتۋعا سەپتىگىن تيگىزەدى", - دەدى ءبىرتانوۆ.
ول پروفيلدىك ەمەس مەديتسينالىق ۇيىمداردىڭ، ەكونوميكالىق بلوكتاعى ەمحانا باسشىلىعىنىڭ جالاقىسى دارىگەرلەردىڭ تابىسىنان كوپ دەگەن مالىمدەمە جاسادى. "مۇندا ۇلكەن قور بار. (...) جالپى العاندا جالاقى ءوسىپ جاتقانىن بايقاپ وتىرمىز. بارلىق دەرلىك مەمۇيىمداردا كىمنىڭ قانشا تابىس الاتىنى جايلى مالىمەتتى الدىق. 2018 جىلداعى ورتاشا جالاقى - 142 مىڭ تەڭگە", - دەدى مينيستر.
