ريددەردەگى جىلۋ ەنەرگەتيكا ورتالىعىنىڭ № 6 قازاندىق ايماعىندا جانارماي بەرۋ گالەرەياسىندا جارىلىس بولدى. بۇل تۋرالى ەنەرگەتيكا مينيسترلىگىنىڭ ءباسپاسوز قىزمەتى ايتتى، دەپ حابارلايدى «ادىرنا» ءتىلشىسى.
جارىلىس تولقىنى شامامەن 80 شارشى مەتر قورشاۋ قۇرىلىمدارىن قيراتقان.
«بۇل جەرگە اتومدىق جانە ەنەرگەتيكالىق قاداعالاۋ مەن باقىلاۋ كوميتەتىنىڭ باسشىلىعى دەرەۋ جولعا شىقتى. بۇيرىققا سايكەس كوميسسيا تەحنولوگيالىق بۇزۋشىلىققا تەرگەپ-تەكسەرۋ جۇرگىزەدى. كوميسسيا قۇرامىنا كوميتەت وكىلدەرى، ريددەر جەو جانە تەحنيكالىق ساراپشى كىردى. تەرگەپ-تەكسەرۋ ناتيجەلەرى 10 جۇمىس كۇنى ىشىندە دايىن بولادى»،—دەيدى باسقارما.
قازىرگى ۋاقىتتا جەو-دا 6 قازاندىقتىڭ 2-ءى جۇمىس ىستەيدى. قالعان 4 قازاندىقتا اقاۋلاردى جويۋ بويىنشا جوندەۋ جۇمىستارى جۇرگىزىلىپ جاتىر.
