يلون ماسك سەنساتسيالىق مالىمدەمە جاسادى

ەگەر بارلىق، نە كەز كەلگەن ادام وسى تەحنولوگيانى ءوزىنىڭ ماقساتىنا ساي پايدالانعىسى كەلسە، ماسك ولارعا ەشقانداي پاتەنتتىك شاعىم بەرمەيدى. بۇل اسا قۇرمەتتەۋگە تۇراتىن باتىل قادام.

«ءبىز ەكولوگيالىق قاۋىپسىز كولىك قۇرالدارىن جاساۋدى جەدەلدەتۋ ءۇشىن Tesla Motors كومپانياسىن قۇردىق. ەگەر ءبىز ەڭ تارتىمدى ەلەكتروموبيلدەردى قۇرۋ جولىندا باسقالاردى تازالاپ وتىرساق، سودان كەيىن ول جولدى ينتەللەكتۋالدىق مەنشىكتى سناريادتارىمىزبەن يەمدەنىپ، مينالاپ تاستاساق، وندا بۇل ارەكەتىمىز ءبىزدىڭ ءوز ماقساتتارىمىزعا كەرى، قارسى ارەكەتەمىز بولار ەدى»، - دەدى ماسك.

يلون ماسك ءوزىنىڭ "Tesla" ەلەكتروموبيل ءوندىرىسىنىڭ بارلىق پاتەنتتەرىنە اشىق قولجەتىمدى مۇمكىندىك تۋعىزدى.
ونەرتاپقىش نەگىزىندە پاتەنت پروگرەسكە كەدەرگى كەلتىرەدى دەپ سانايدى، ول ونەرتاپقىشتاردىڭ ءوزىن ەمەس، ءىرى كورپوراتسيالاردى جانە زاڭگەرلەردى عانا بايىتىپ وتىر دەيدى. ول بۇرىن باسقا ءىرى اۆتووندىرۋشىلەردىڭ ءوزىنىڭ تەحنولوگياسىنا قول جەتكىزە الماۋى جانە ءوز ءونىمىن كوشىرىپ الماۋلارى ءۇشىن جانە وزدەرىنىڭ نارىقتىق جارنامالىق، ساۋدا نىساندارىن باسىپ الماۋلارى ءۇشىن عانا ول Tesla تەحنولوگياسىن پاتەنتتەگەنىن ايتادى.

«بۇل ۇلكەن قاتەلىك بولدى! جاعداي مۇلدە كەرىسىنشە، ويتكەنى ءىرى ەلەكتر ونىمدەرى مەن ەلەكتر جانە باسقا دا ەكولوگيالىق قاۋىپسىز اۆتوموبيلدەر ءوندىرىسى ونىمدەرى ەڭ از كولەمدە نەمەسە ءتىپتى دە جۇزەگە اسىرىلماي كەلەدى »، - دەيدى ونەرتاپقىش.

ي. ماسكتىڭ ايتۋىنشا، قازىر Tesla جىلىنا 100 ميلليونعا جۋىق اۆتوموبيل شىعارادى، بىراق بۇنىڭ الەم كليماتىنا شىنايى اسەر ەتۋىنە، قاۋىپتى كومىرتەك داعدارىسىن توقتاتۋعا قاۋقارى از. ەندى بۇل يگىلىكتىڭ جەمىسىنەن بارلىق ادام پايدا كورە الادى - ەندى بارلىق كومپانيالار جاپپاي ءوز ەلەكتروموبيلدەرىن شىعارا باستاسا بۇنىڭ الەم كليماتىنا جاعىمدى اسەرى ءتيۋى كەرەك.

«ءبىزدىڭ كودى اشىق پاتەنتتەرىمىزگە قاتىستى فيلوسوفيامىزدى تاراتۋ ءبىزدىڭ پوزيتسيامىزدى السىرەتپەيدى، كەرىسىنشە Tesla پوزيتسياسىن نىعايتادى دەپ سەنەمىز»، - دەدى يلون ماسك.

"ادىرنا" ۇلتتىق پورتالى