مەملەكەت باسشىسى قاسىم-جومارت توقاەۆ بۇكىلارميالىق كەڭەس وتىرىسىندا اسكەري قىزمەتكەرلەردىڭ جالاقىسى وسەتىنىن مالىمدەدى، دەپ حابارلايدى «ادىرنا» ءتىلشىسى.
«بيىل اسكەري ۇشقىشتاردىڭ جالاقىسى ورتاشا العاندا 60 پايىزعا وسەدى. وسى سالاداعى وقىتۋشىلار مەن دارىگەرلەردىڭ جالاقىسى دا كوبەيەدى. كەلەسى جىلى اسكەري اتاق ءۇشىن تولەنەتىن ايلىق اقى 30 پايىزعا ارتادى.
اسكەري قىزمەتشىلەردى زەينەتاقىمەن قامتۋ ماسەلەسى دە قايتا قارالۋدا. سەرجانتتاردى، وفيتسەرلەردى الەۋمەتتىك قولداۋ جۇمىسى جالعاسادى. ولار تۇرمىسىنا الاڭداماي، ەل قورعاۋعا ساقاداي ساي بولۋى كەرەك»، - دەدى پرەزيدەنت.
