سقو اكىمى ايداربەك ساپاروۆ پەتروپاۆلدا ورتتەن زارداپ شەككەندەرمەن كەزدەسۋ بارىسىندا ولاردىڭ باسپانامەن قامتاماسىز ەتىلەتىنىن ايتتى، دەپ حابارلايدى "ادىرنا" پورتالى.
ايماق باسشىسى ورتتەن زارداپ شەككەندەرمەن كەزدەستى. ولار №25 مەكتەپ جانىنداعى ەۆاكۋاتسيالىق پۋنكتكە ۋاقىتشا اۋىستىرىلدى.
ارنايى كوميسسيا قۇرىلعانى ءمالىم بولدى.
بۇل رەتتە زارداپ شەككەندەردىڭ بارلىعىنا تۇنەۋ ءۇشىن تاماق پەن جاتىن ورىن بەرىلدى. بۇگىن ولار ۋاقىتشا باسپانامەن قامتاماسىز ەتىلەدى.
ايتا كەتەيىك، ءبىر كۇن بۇرىن پەتروپاۆلدا ءورت جەتى تۇرعىن ءۇيدى شارپىعان بولاتىن. وبلىستىق توتەنشە جاعدايلار دەپارتامەنتىنىڭ مالىمەتى بويىنشا، 7 مامىر كۇنى ساعات 18.57-دە 5-سەننايا كوشەسىندەگى اشىق الاڭدا (جەل ەكپىنى 23 م/س، ەكپىنى 23-كە جەتەتىن ەكپىندى جەلدىڭ اسەرىنەن ءورت قاۋىپتىلىگى 4 كلاسس) قامىس ورتەندى. ءورت جاقىن ماڭداعى جەكە تۇرعىن ۇيلەرگە تارادى.
"ادىرنا" ۇلتتىق پورتالى
