سپورت ءجۋرناليسى اسلان قاجەنوۆ ەلىمىزدەگى "ارتىق" سپورتتىق فەدەراتسيالارعا قاتىستى جازباسىن قالدىردى، دەپ جازادى "ادىرنا" ءتىلشىسى.
ءبىزدىڭ ەلدە 176 سپورتتىق فەدەراتسيانىڭ بارلىعى رەسمي تىركەلىپ، مەملەكەتتىك قولداۋ الادى. 19 ميلليون حالقى بار قازاقستان ءۇشىن بۇل تىم ۇلكەن كورسەتكىش ەكەنىن جازدى ول.
سونداي-اق، بۇركەنشىك ات قويىپ، كادىمگى "ستريپتيز" بيلەۋدى سپورت دەپ ساناپ، بالىق اۋلاۋدى سپورتتىق ويىن قاتارىنا قوسۋدى قاتە دەپ سىنادى.
"جان-جاقتان جالماڭداپ كەلىپ، حالىقتىڭ اۋزىن ۇرىپ جاتىر. ەگەر وسىنى جاقىن ارادا نىقتاپ قولعا الىپ، توسقاۋىل قويماساق، قارجىلاندىرۋدى تىيماساق، تايراڭداۋىن توقتاتپاساق، ءوز ۇرپاعىمىزدى ءوز قولىمىزبەن ولتىرەمىز. ۇلت رەتىندە جويىلۋىمىز باسقادان ەمەس، ءدال وسى تىرناقشانىڭ ىشىندەگى سپورتتاردان بولادى" دەپ جازدى ول.