قازاقستان پرەزيدەنتى جۇمىس ساپارىمەن سولتۇستىك قازاقستان وبلىسىنا كەلدى، - دەپ حابارلايدى "ادىرنا" پورتالى.
«مەملەكەت باسشىسى ەگىس جۇمىستارىنىڭ بارىسىمەن تانىسىپ، شارۋالارمەن كەزدەسۋلەر وتكىزەدى، سونداي-اق بىرقاتار الەۋمەتتىك نىسانداردى ارالايدى»، - دەپ حابارلادى مەملەكەت باسشىسىنىڭ ءباسپاسوز قىزمەتى.
توقاەۆتى اۋەجايدان وبلىس اكىمى ايداربەك ساپاروۆ كۇتىپ الدى.
بۇعان دەيىن اقوردانىڭ ءباسپاسوز قىزمەتى مەملەكەت باسشىسىنىڭ وسى اپتاداعى جوسپارلارى تۋرالى حابارلاعان بولاتىن.
30 مامىردا مەملەكەت باسشىسى استانادا بىرقاتار مەملەكەتتەردىڭ ەلشىلەرىنەن سەنىم گراموتالارىن قابىلدايدى.
2 ماۋسىمدا قاسىم-جومارت توقاەۆ ورتالىق ازيا-ەۋروپا وداعىنىڭ ەكىنشى سامميتىنە قاتىسۋدى جوسپارلاپ وتىر. ول قىرعىزستاننىڭ چولپون-اتا قالاسىندا وتەدى.
"ادىرنا" ۇلتتىق پورتالى
