2022 جىلى اەروعارىشتىق تۇگەندەۋ جۇمىستارى ناتيجەسىندە پايدالانىلماي جاتقان اۋىل شارۋاشىلىعى ماقساتىنداعى 1,077,2 مىڭ گا جەر انىقتالدى، ونىڭ 857,2 مىڭ گا جايىلىمدىق جەر. قابىلدانعان شارالاردىڭ ارقاسىندا سول جايىلىمدىق جەردىڭ 327 مىڭ گا اينالىمعا ەندى. بۇل تۋرالى بۇگىن ورتالىق كوممۋنيكاتسيالار قىزمەتىنىڭ ۇيىمداستىرۋىمەن وتكەن جەتىسۋ وبلىسىنىڭ اكىمى بەيبىت يساباەۆتىڭ بريفينگىسىندە ايتىلدى، - دەپ حابارلايدى جەتىسۋ وبلىسى اكىمىنىڭ ءباسپاسوز قىزمەتى.
سپيكەر ءوز سوزىندە وتكەن جىلى مەملەكەت باسشىسىنىڭ وبلىسقا كەلگەن ساپارىندا بەرگەن بىرقاتار تاپسىرمالارىنا سايكەس اتقارىلعان جۇمىستاردىڭ قاتارىندا پايدالانىلماي جاتقان جەرلەردى قايتارۋ شارالارىنىڭ بارىسىنا توقتالىپ ءوتتى.
ماسەلەن، وتكەن جىلى وسىنداي 1,077,2 مىڭ گا جەر انىقتالعان. سول انىقتالعان جەرلەر قاتارداعى 857,2 مىڭ گا جايىلىمدىق جەردىڭ بۇگىندە قابىلدانعان شارالار ناتيجەسىندە 327 مىڭ گا اينالىمعا ەنگىزىلگەن، 401,7 مىڭ گا جەر يەلەرىنە زاڭ بۇزۋشىلىقتاردى جويۋعا 1 جىل مەرزىمگە نۇسقامالار بەرىلسە، 128,5 مىڭ گا جەر مەملەكەت مەنشىگىنە قايتارىلعان (6,9 مىڭ گا ەگىستىك جەر، و.ءى. 3,6 مىڭ – سۋارمالى; شابىندىق – 300 گا; جايىلىم – 121,3 مىڭ گا). قالعان 220 مىڭ گەكتار بيىل قايتارىلۋى ءتيىس. بۇگىنگى كۇنگە قايتارىلعانى 101,4 مىڭ گا.
جەتىسۋ وبلىسى اكىمىنىڭ ءباسپاسوز قىزمەتى.
جەتىسۋ وبلىسى اكىمىنىڭ ءباسپاسوز قىزمەتى.
