وتكەن بەس ايدا جەتىسۋ وبلىسىنىڭ ەكونوميكالىق كورسەتكىشتەرى ارتتى

جەتىسۋ وبلىسىنىڭ وتكەن بەس ايدا ەكونوميكالىق كورسەتكىشتەرى ارتىپ، ءوندىرىس، قۇرىلىس، ساۋدا سياقتى نەگىزگى سالالاردا ءوسىم بايقالدى. بۇل تۋرالى بۇگىن ورتالىق كوممۋنيكاتسيالار قىزمەتىنىڭ ۇيلەستىرۋىمەن ەسكەلدى اۋدانىنداعى «تاۋ جەتىسۋ» تۋريستىك نىسانى بازاسىندا وتكەن بريفينگ بارىسىندا جەتىسۋ وبلىسىنىڭ اكىمى بەيبىت يساباەۆ ايتتى، - دەپ حابارلايدى جەتىسۋ وبلىسى اكىمىنىڭ ءباسپاسوز قىزمەتى. سپيكەردىڭ ايتۋىنشا، قازىر وبلىس تۇرعىندارىنىڭ سانى 700 مىڭ ادامعا جەتكەن، جەر كولەمى – 118 مىڭ شارشى شاقىرىم. - الماتى وبلىسىنىڭ قۇرامىنان بولىنگەندە وڭىرىمىزدە ەكونوميكانىڭ قۇرىلىمىنا، بيۋدجەت كىرىسىنىڭ از بولىگى قالۋىنا، تاعى باسقا وبەكتيۆتى فاكتورلارعا بايلانىستى بىرقاتار كورسەتكىشتەر تومەندەگەن ەدى. دەگەنمەن 2022 جىلدىڭ قورىتىندىسى بويىنشا وبلىستا بارلىق نەگىزگى نىسانالى ينديكاتورلارعا قول جەتكىزىلىپ، وبلىس ايماقتار اراسىندا ءتورتىنشى كورسەتكىش كورسەتتى، - دەپ اتاپ ءوتتى ب.يساباەۆ. ماسەلەن، وبلىستا بيىلعى جىلدىڭ 5 ايىندا وڭ ديناميكا ارتا ءتۇستى. مىسالعا ساۋدا 1,8 ەسەگە، رەسپۋبليكالىق بيۋدجەتتىڭ تۇسىمدەرى – 2,8 ەسەگە، قۇرىلىس كولەمى – 31,3%-عا، ونەركاسىپ ءوندىرىسى – 14,1%-عا وستى. جالپى وڭىرلىك ونىمدەگى شاعىن جانە ورتا بيزنەستىڭ ۇلەسى 39,3%-عا جەتتى (قر – 36,5%). بيىل وبلىس بيۋدجەتى 486 ملرد. تەڭگەگە جەتىپ، 16 پايىزعا وسكەن. جەتىسۋ وبلىسى اكىمىنىڭ ءباسپاسوز قىزمەتى.