انگليادا ءۇشىنشى كۇن قاتارىنان كىشى ساناتتاعى دارىگەرلەر ەرەۋىلدەتىپ جاتىر. ەگەر ۇكىمەت جالاقىنى كوتەرمەسە، ولار جاز بويى جۇمىسقا شىقپاۋعا بەكىنىپ وتىر، دەپ حابارلايدى "ادىرنا" ۇلتتىق پورتالى قازاقپاراتقا سىلتەمە كورسەتىپ.
بۇعان دەيىن بولعان نارازىلىقتار كەزىندە 200 مىڭعا جۋىق ناۋقاس ەم-دومسىز قالعانى بەلگىلى. كاسىپوداق ۇيىمىنىڭ مۇشەلەرى ۇكىمەتتىڭ ۇسىنعان 5 پايىزدىق ۇستەماقىسى ماردىمسىز دەپ مالىمدەدى.
ۇلىبريتانيادا كىشى ساناتتاعى دارىگەر دەپ مەديتسينالىق وقۋ ورنىن بىتىرگەن جانە 5 جىلدان كەيىن دارىگەر بولۋعا تالاپتانىپ جۇرگەن مامانداردى ايتادى. ولار ۇلتتىق دەنساۋلىق ساقتاۋ قىزمەتىنىڭ شامامەن 45 پايىزىن قۇرايدى.
«جالاقىمىزدى 35 پايىزعا كوتەرۋدى تالاپ ەتەمىز. ءبىر مەزەتتە ەمەس، كەزەڭ-كەزەڭىمەن ءوسىرسىن. ويتكەنى سوڭعى 15 جىل كولەمىندە تابىسىمىز ينفلياتسياعا ىلەسە الماي كەلەدى»، - دەيدى كاسىپوداق ۇيىمىنىڭ وكىلى سۋمي مانيراجان.
"ادىرنا" ۇلتتىق پورتالى
