مامىر ايىنىڭ ورتاسىنان بەرى ارىپتەستەرى جانبوتا تولەگەندى ىزدەپ، ونىڭ 21 مامىردا تەلاۆيدە ولتىرىلگەنى بەلگىلى بولدى. بۇل تۋرالى جۋرناليست ءنازيرا دارىمبەت Facebook جەلىسىندە جازدى، دەپ حاباردايدى “ادىرنا” ۇلتتىق پورتالى.
ونىڭ ايتۋىنشا، جانبوتانىڭ ولتىرىلگەنىن سىنىپتاستارى حابارلاعان.
ءنازيرا دارىمبەت وسى پوستىندا قازاقستان سىرتقى ىستەر مينيسترلىگىنەن الىنعان جازباشا دەرەكتى قوسا جاريالاعان. وندا گرۋزيا قۇزىرلى ورىندارىنان الىنعان مالىمەتكە سىلتەپ، ءجۋرناليستىڭ كىسى قولىنان قازا تاپقانى حابارلانعان. سوعان وراي "قاساقانا كىسى ءولتىرۋ" بابى بويىنشا تەرگەۋ جۇمىستارى باستالعانى، كۇدىكتىنىڭ ۇستالعانى، ءمايىتتىڭ ساراپتامادا ەكەنى جانە تەكسەرۋ اياقتالعانى ايتىلعان.
ال ءنازيرا دارىمبەت قانشا قۇزىرلى ورىننان تۇسكەن مالىمەت بولسا دا، بۇعان سەنە الماي تۇرعانىن، قاتتى الاڭداۋلى ەكەنىن بىلدىرگەن.
"جانبوتانى 21 مامىر كۇنى گرۋزيادا تەلاۆي قالاسىندا ولتىرگەنىن سىنىپتاستارى حابارلادى! بءىر ايدان بەرى بايلانىسقا شىقپاي قالىپ ەدى. ونىمەن ءبىر جوبامىز بار ەدى، ول ماعان ءبىر نارسەنى اۋدارۋعا كومەكتەستى. ال ءبىز ونىمەن بۇل جوبانى ءالى اياقتاعان جوقپىز. ول ءبارىن مۇقيات، جاقسى اۋدارعان، ول ساۋاتتى ادام، ورىسشا- قازاقشا جازادى. جانبوتا تولەگەندى بىلەتىندەرىڭىز بار شىعار. ول جۋرناليست – ءبىزدىڭ ارىپتەسىمىز. مەن ەندى نە ويلايتىنىمدى بىلمەيمىن. ول مەنىمەن سوڭعى رەت 19 مامىردا WhatsApp ارقىلى حابارلاسقان بولاتىن..." دەپ جازعان ءنازيرا دارىمبەت.
ءوزىنىڭ جازۋىنشا، سوڭىنان ول جانبوتانىڭ ۇيىنە بارسا كەرەك. العاشىندا بىرگە تۇراتىن تۋىسى ونىڭ ءبىر جاققا كەتكەنىن عانا ايتقان. ودان كەيىن ءنازيرا دارىمبەت ءبىر كۇننەن كەيىن 9 ماۋسىم كۇنى ۋچاسكەلىك پوليتسيا قىزمەتكەرى باعداتتىڭ تەلەفون ءنومىرىن تاۋىپ، بايلانىسقان. ال سەنبى كۇنى، 10 ماۋسىمدا ول ۇيىنە كۇندىز جانە كەشكە بارعان، بىراق ەشكىم ەسىك اشپاعان. "جاقىندا ونىڭ دەنساۋلىعى ناشارلاپ اياعى مەن بەلى اۋىردى. ول ۇيدە ارەڭ قوزعالاتىن جانە كەنەت ءبىر جەرگە كەتەدى دەگەن - ەشكىم ويىندا جوق",- دەپ جازعان ءنازيرا دارىمبەت.
"جانبوتانى تانيتىندار بىلەدى، ونىڭ اياعى اۋىرادى، اقساق، مۇگەدەك. ول الىس جولعا ەشكىمگە ەسكەرتپەستەن كەتە المايدى، ول وتە جاۋاپتى. شىنىمدى ايتسام، مەن قاتتى ۋايىمدايمىن جانە نە ويلارىمدى بىلمەيمىن. وندا ءبارى جاقسى دەپ ۇمىتتەنەمىن. جانبوتا، وسى پوستتى كورسەڭ جاۋاپ بەرشى، سەندە ءبارى جاقسى بولسىن، مەن بەكەر ۇرەيلەنىپ جاتقان شىعارمىن. بەكەر شۋ شىعارسام كەشىرىڭىزدەر. دوستار، زاڭگەرلەر، نە ىستەۋگە بولادى، ادامدى تابۋعا بولادى؟ كەڭەس بەرىڭىزدەر! مەن شاراسىزبىن",- دەپ جازعان ءنازيرا دارىمبەت.
