«تۋعان ەلگە تاعزىم» ولكەتانۋ-زەرتتەۋ ەكسپەديتسياسى اياسىندا تالدىقورعان قالاسىنداعى نازارباەۆ زياتكەرلىك مەكتەبىنىڭ جاس زەرتتەۋشىلەرى جەتىسۋ وبلىسىنىڭ ۇلتتىق تاريحى مەن مادەنيەتىن، فلوراسى مەن فاۋناسىن زەرتتەدى.
م.تىنىشباەۆ اتىنداعى تاريحي-ولكەتانۋ مۇراجايى ولاردىڭ العاشقى نىسانى بولدى. مۇندا ساپاردىڭ ءبىر كۇنىندە جەتىسۋ ايماعىنىڭ بۇكىل تاريحىن كەسىپ وتۋگە بولادى.
تەكەلى قالاسىنداعى قورا شاتقالىنىڭ قاقپاسىنداعى "بۋددا" ستەللاسى ەكسپەديتسياسىنىڭ جاس زەرتتەۋشىلەرىن ءتانتى ەتتى.
ودان ءارى جاس ەكسپەديتورلاردىڭ جولى قورا وزەنىنىڭ وڭ جاعالاۋىندا جالعاستى، وندا زياتكەرلەر فلورا، فاۋنا جانە الاتاۋ تاۋلارىنىڭ پايدا بولۋ تاريحى بويىنشا زەرتتەۋ ماتەريالدارىن جيناۋمەن اينالىستى.
گەس1-گەس2 گيدروەلەكتروستانتسياسىنا ساياحات بالالار ءۇشىن وتە تانىمدى بولدى. 9 - سىنىپ وقۋشىلارى كاريما ماقان جىنە اجار ارداقوۆا قورا، تەكەلينكا وزەندەرىنەن اۋىز سۋ سىناما ماتەريالدارىن الدى. وقۋشىلار تەكەلى قالاسى سۋىنىڭ ساپاسىن، جاعدايىن زەرتتەۋدى جوسپارلاپ وتىر.
سونىمەن قاتار ولكەتانۋ-زەرتتەۋ ەكسپەديتسياسىنىڭ قاتىسۋشىلارى كەدەرگىلەردەن ءوتۋ نەگىزدەرى بويىنشا تۋريستىك كۋرستى ءوتتى. تۋريستىك كوپسايىس سياقتى سپورت تۇرىمەن تانىستى.
بۇگىن مەن ءۇشىن ەرەكشە جارىس بولدى، ويتكەنى ول تابيعاتتا، ناقتى پراكتيكا بارىسىندا ءوتتى. قاۋىپسىزدىك تەحنيكاسىمەن جۇمىس جاساۋدى، ارقان تۇيىندەرىن جاساۋدى، كارابيندەردى قولدانۋدى ۇيرەندىك. قاشىقتىقتار بيىكتىك پەن مارشرۋتتىڭ قيىندىعى جاقسى ۇيلەسەتىن تاماشا تاڭدالعان. كوپ اسەر الدىق»، – دەدى ءمادي امانگەلدى سۇحباتىندا.
بۇل رەتتە ەكسپەديتسيا مۇشەلەرى ءوڭىردىڭ اسەم تابيعاتىمەن، بىرەگەي فلورا مەن فاۋنامەن تانىسا الدى.
ءبىز ەكسپەديتسيا سوڭىندا عىلىمي جوبالار جازامىز. مەنىڭ جوبامنىڭ تاقىرىبى – «جەتىسۋداعى ءتۋريزمدى دامىتۋ الەۋەتى». مەنى اسىرەسە ەتنواۋىلدار قۇرۋ يدەياسى قىزىقتىرادى. ءوڭىرىمىزدىڭ ەرەكشەلىكتەرى تۋرالى مالىمەتتەر تەوريالىق تۇرعىدان تالداۋعا كومەكتەسەتىن وي قورىتۋعا نەگىز بولدى، — دەپ ءوز پىكىرىمەن 11 - سىنىپ وقۋشىسى ءامىر قايناربەكوۆ ءبولىستى.
