«AMANAT» پارتياسى بۇقارالىق اقپارات قۇرالدارى قىزمەتكەرلەرى كۇنى قارساڭىندا جۋرناليستەر اراسىنداعى «AMANAT» – 2023 مەديا سىيلىعى» رەسپۋبليكالىق بايقاۋىنىڭ قورىتىندىسىن جاريالادى.
بۇگىندە ەلىمىزدەگى باق قىزمەتكەرلەرىن ىنتالاندىرۋعا باعىتتالعان بەدەلدى ءىس-شارالاردىڭ ءبىرى – «AMANAT» مەديا سىيلىعى» وسىمەن قاتارىنان ون ءتورتىنشى رەت وتكىزىلىپ وتىر. وسى ۋاقىت ارالىعىندا كونكۋرستى وتكىزۋ ءتارتىبى مەن ەرەجەسى ايتارلىقتاي جەتىلدىرىلىپ، اتالىمدار مەن ارنايى سىيلىقتار قاتارى تولىقتى. وتاندىق مەديا سالادا قىزمەت ەتىپ جۇرگەن 150-دەن استام ادام بايقاۋ جەڭىمپازى اتانىپ ۇلگەردى.
بيىل بايقاۋعا 300-دەن اسا ادامنان 2 مىڭ جۇمىس كەلىپ ءتۇستى. ونىڭ باسىم كوپشىلىگىن (60%) ايماقتاعى اقپارات سالاسىنىڭ وكىلدەرى جولدادى. ايتا كەتەيىك، بيىلعى بايقاۋعا YouTube جوبالار دا قابىلداندى. وسىلايشا، 7 نوميناتسيا مەن 3 ارنايى سىيلىق بويىنشا جەڭىمپازدار انىقتالدى.
سالتاناتتى ءراسىمدى اشقان «AMANAT» پارتياسىنىڭ توراعاسى ەرلان قوشانوۆ اقپارات قۇرالدارىنىڭ وكىلدەرىن كاسىبي مەرەكەمەن قۇتتىقتاپ، بۇل جۋرناليستەردىڭ عانا مەرەكەسى ەمەس، حالىقتىق مەيرام ەكەنىن اتاپ ءوتتى.
بۇگىندە ەلىمىزدەگى باق قىزمەتكەرلەرىن ىنتالاندىرۋعا باعىتتالعان بەدەلدى ءىس-شارالاردىڭ ءبىرى – «AMANAT» مەديا سىيلىعى» وسىمەن قاتارىنان ون ءتورتىنشى رەت وتكىزىلىپ وتىر. وسى ۋاقىت ارالىعىندا كونكۋرستى وتكىزۋ ءتارتىبى مەن ەرەجەسى ايتارلىقتاي جەتىلدىرىلىپ، اتالىمدار مەن ارنايى سىيلىقتار قاتارى تولىقتى. وتاندىق مەديا سالادا قىزمەت ەتىپ جۇرگەن 150-دەن استام ادام بايقاۋ جەڭىمپازى اتانىپ ۇلگەردى.
بيىل بايقاۋعا 300-دەن اسا ادامنان 2 مىڭ جۇمىس كەلىپ ءتۇستى. ونىڭ باسىم كوپشىلىگىن (60%) ايماقتاعى اقپارات سالاسىنىڭ وكىلدەرى جولدادى. ايتا كەتەيىك، بيىلعى بايقاۋعا YouTube جوبالار دا قابىلداندى. وسىلايشا، 7 نوميناتسيا مەن 3 ارنايى سىيلىق بويىنشا جەڭىمپازدار انىقتالدى.
سالتاناتتى ءراسىمدى اشقان «AMANAT» پارتياسىنىڭ توراعاسى ەرلان قوشانوۆ اقپارات قۇرالدارىنىڭ وكىلدەرىن كاسىبي مەرەكەمەن قۇتتىقتاپ، بۇل جۋرناليستەردىڭ عانا مەرەكەسى ەمەس، حالىقتىق مەيرام ەكەنىن اتاپ ءوتتى.
«قوعام ساپالى، شىنايى جانە تانىمدىق دۇنيەلەردى وقىعىسى كەلەدى. مۇنداي اقپاراتتى تەك ناقتى دەرەك پەن دايەككە سۇيەنەتىن جۋرناليست قانا ۇسىنا الادى. ول – ءسوزدىڭ قۋاتى مەن قادىرىن بىلەتىن، جاۋاپكەرشىلىگى جوعارى، كاسىبىنە ادال ناعىز مامان. باق-تىڭ باستى ميسسياسى دا – وسى. سىزدەردىڭ ماقالالارىڭىز بەن سيۋجەتتەرىڭىز قوعامدى ۇدايى العا جەتەلەپ وتىراتىن، ەل دامۋىنا ىقپال ەتەتىن قۇندىلىقتاردى دارىپتەيدى. بۇل – پاتريوتيزم، ادال ەڭبەك، بەيبىتشىلىك پەن تۇراقتىلىق، زاڭ مەن ءتارتىپ، بىلىمگە قۇشتارلىق، تۋعان جەرى مەن ءتول مادەنيەتىنە دەگەن سۇيىسپەنشىلىك. «AMANAT» پارتياسىنىڭ بايقاۋى وسىنداي جۋرناليستىك جۇمىستاردى قولداۋعا باعىتتالعان»، - دەدى پارتيا توراعاسى.بايقاۋدا «الاش قوزعالىسى بويىنشا ۇزدىك ماتەريال» نوميناتسياسىندا جەڭىمپاز اتانعان «جەتىسۋ» تەلەارناسىنىڭ پروديۋسەرى گۇلجان قىزايباەۆا رەپرەسسيا تاقىرىبىندا جاساعان زەرتتەۋ ماتەريالىنىڭ جوعارى باعالانعانىنا ريزاشىلىعىن جەتكىزدى.
«ارنامىزدا «ارحيۆتەگى اقيقات» دەگەن باعدارلاما بار. وندا ارحيۆتەردى اقتارىپ، كوپ ىزدەنىسپەن جاسالعان زەرتتەۋ ماتەريالدارى جارىق كورەدى. سول جۇمىسىمىزدى بايقاۋعا ۇسىنىپ، ونى قازىلار القاسى جۇلدەگە لايىق دەپ تانىعان ەكەن. جالپى تەلەارنادا جالعىز شاۋىپ بايگە الا المايسىڭ. سوندىقتان بۇل «جەتىسۋ» ارناسىنداعى بارشا ارىپتەسىمنىڭ جەتىستىگى دەپ بىلەمىن»، - دەدى ول.ال «ەڭبەك ادامى تۋرالى ۇزدىك ماتەريال» نوميناتسياسىن جەڭىپ العان قويلىباي اسانوۆ وسى تاقىرىپتا 30 جىلدان استام ۋاقىتتان بەرى قالام تەربەپ كەلە جاتقانىن جەتكىزدى.
«ادال ەڭبەك پەن ماڭداي تەر ەگەمەن ەلىمىزدىڭ ىرگەسىن نىعايتىپ، تاۋەلسىزدىگىمدى باياندى ەتەدى. ءوزىم قويشىنىڭ بالاسىمىن. سوندىقتان بولار، ەڭبەك ادامىنىڭ كىسىلىك كەلبەتىن، ونەگەلى ءومىر جولىن ءبىر كىسىدەي بىلەمىن. سول سارىجايلاۋ، كەڭ دالادا ەركىن عۇمىر كەشكەن، كونەنىڭ كوزىن كورگەن تۇلعالى ادامداردى ناسيحاتتاۋ مەنىڭ قالامگەرلىك مۇراتىم دەپ ويلايمىن. ەڭبەگىمدى باعالاعان بارشاڭىزعا العىسىم شەكسىز»، - دەدى ق.اسانوۆ.سونىمەن، بايقاۋ كوميسسيانىڭ شەشىمىمەن «AMANAT» – 2023 مەديا سىيلىعىنىڭ» جەڭىمپاز بولىپ: «ەلىمىزدەگى رەفورمالار تۋرالى ۇزدىك ماتەريال» نوميناتسياسى بويىنشا «استانا اقشامى» گازەتىنىڭ شەف-رەداكتورى تولەن تىلەۋباي; «ەڭبەك ادامى تۋرالى ۇزدىك ماتەريال» نوميناتسياسى بويىنشا قازاقستان جۋرناليستەر وداعىنىڭ مۇشەسى قويلىباي اسانوۆ; «ايماق تۋرالى ەڭ ۇزدىك ماتەريال» نوميناتسياسى بويىنشا قازاق راديوسىنىڭ جۇرگىزۋشى-رەداكتورى الميرا ەلىمسارينا جانە «Informburo.kz» پورتالىنىڭ شولۋشىسى وكسانا تروفيموۆا; «رۋحاني-مادەني دامۋ تۋرالى ۇزدىك ماتەريال» نوميناتسياسى بويىنشا شالقار راديوسى، الماتى ستۋدياسىنىڭ رەداكتور-جۇرگىزۋشىسى جانار ورازىمبەتوۆا; «جاستار تۋرالى ۇزدىك ماتەريال» نوميناتسياسى بويىنشا «كتك» تەلەارناسىنىڭ رەداكتور-جۇرگىزۋشىسى ايگەرىم اسقارقىزى مەن «31 ارنا» جاڭالىقتار قىزمەتىنىڭ ايماقتاعى تىلشىلەر رەداكتورى ايدانا شىبىكەەۆا; «الاش قوزعالىسى بويىنشا ۇزدىك ماتەريال» نوميناتسياسى بويىنشا «جەتىسۋ» تەلەارناسىنىڭ پروديۋسەر-جۋرناليسىگۇلجان قىزايباەۆا; «ازاماتتىق بورىش تۋرالى ۇزدىك ماتەريال» نوميناتسياسى بويىنشا «NUR.KZ» اقپاراتتىق پورتالىنىڭ ءتىلشىسى يۋليا ابراموۆا جانە «ليتەر» رەسپۋبليكالىق قوعامدىق-ساياسي گازەتى اقپارات ءبولىمىنىڭ مەڭگەرۋشىسى تەمىرلان قۇسپاەۆ ماراپاتتالدى. ال ماعجان جۇماباەۆ اتىنداعى «ءسوز زەرگەرى» سىيلىعى «Egemen Qazaqstan» گازەتىنىڭ اقمولا وبلىسىنداعى مەنشىكتى ءتىلشىسى بايقال بايادىلگە بۇيىردى. شەرحان مۇرتازا جانە كامال سمايىلوۆ اتىنداعى «تەلەۆيزيا ۇزدىگى» سىيلىعىن «Jibek joly» تەلەارناسىنىڭ باعدارلاما اۆتورى-جۇرگىزۋشىسى جانار بايسەمىز بەن «استانا» تەلەارناسىنىڭ قوستانايداعى مەنشىكتى ءتىلشىسى زاڭعار ساناي يەلەندى. «بەلسەندى ازاماتتىق ۇستانىمى ءۇشىن» سىيلىعىن «Qasqa Jol» YouTube ارناسىنىڭ اۆتور-جۇرگىزۋشىسى اباي تلەنشيەۆ جانە «Turkistan Media Holding» جشس-نىڭ باسقارۋشى ديرەكتورى تەلمان بەيسەنوۆ الدى.
