الماتىدا تۇرگەننەن قاسكەلەڭگە دەيىنگى تاۋ ءتۋريزمىن دامىتۋ تۇجىرىمداماسى ازىرلەنىپ جاتىر. بۇل تۋرالى قالا اكىمى ەربولات دوساەۆ ايتىپ بەردى.
«تۋريستىك ينفراقۇرىلىمدى دامىتۋ اياسىندا بيىل قالانىڭ نومىرلىك قورى 3 مىڭ جاتىن ورىنعا ۇلعايادى. 2023 جىلدىڭ سوڭىنا دەيىن 390 بولمەلى تاعى 2 قوناقۇي («Medeu Park Hotel»، «Parkside living) اشىلادى. سونىمەن قاتار، 3 كەمپينگ-ايماق، كىشى جانە ۇلكەن الماتى شاتقالدارىندا ۇزىندىعى 150 شاقىرىم بولاتىن 10 تاۋ مارشرۋتى قۇرىلادى. بۇل مارشرۋتتار تسيفرلاندىرىلادى»، - دەدى ەربولات دوساەۆ ەلوردالىق ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا.ءوز سوزىندە اكىم پرەزيدەنتتىڭ تۇرگەن مەن قاسكەلەڭ اراسىنداعى تاۋ كلاستەرىنىڭ شىعىس جانە باتىس بولىكتەرىن كەشەندى دامىتۋدى تاپسىرعانىن اتاپ ءوتتى.
«بۇل ماقساتتا مادەنيەت جانە سپورت مينيسترلىگىمەن بىرلەسىپ، الماتى اگلومەراتسياسى شەڭبەرىندە تۇرگەننەن باستاپ قاسكەلەڭگە دەيىنگى تاۋ كلاستەرىن دامىتۋ تۇجىرىمداماسى ازىرلەنىپ جاتىر. ونى بيىل جىل سوڭىنا دەيىن اياقتاۋ جوسپارلانعان. 2023 جىلى شەتەلدىك تۋريستەر سانى 450 مىڭ ادامعا دەيىن، ىشكى تۋريستەر سانى 1,5 ملن ادامعا دەيىن وسەدى دەپ كۇتىلىپ وتىر»، - دەدى الماتى اكىمى.اقپارات:inform.kz
