كانتۋرين مەن ءازىمحان 10 جانە 8 جىلعا باس بوستاندىعىنان ايىرىلدى
ۇلتتىق قاۋىپسىزدىك كوميتەتى نۇر-سۇلتاندا پوليتسەيلەردى ۇستاعانىن حابارلادى.
"2018 جىلدىڭ تامىزىندا قازاقستان رەسپۋبليكاسىنىڭ ۇلتتىق قاۋىپسىزدىك كوميتەتى لاۋازىمىن اسىرا پايدالانىپ، گەروين وتكىزۋگە قاتىسقان نۇر-سۇلتان قالاسى پوليتسيا دەپارتامەنتى ەسىرتكىگە قارسى كۇرەس باسقارماسى باستىعىنىڭ ورىنباسارى م. كانتۋرين مەن پد تەرگەۋ باسقارماسىنىڭ تەرگەۋشىسى پوليتسيا اعا لەيتەنانتى م. ءازىمحاننىڭ زاڭعا قايشى ارەكەتىن انىقتاپ، جولىن كەستى", - دەپ جازىلعان حابارلامادا.
2019 جىلعى 29 ناۋرىزىندا نۇر-سۇلتان قالاسى قىلمىستىق ىستەر بويىنشا مامانداندىرىلعان اۋدانارالىق سوتىنىڭ ۇكىمىمەن م. كانتۋرين جانە م. ءازىمحان قر قك 366-بابى 3-ءبولىمى بويىنشا، سونداي-اق م. كانتۋرين قوسىمشا قر قك 297-بابى 3-ءبولىمى، 361-بابى 1-ءبولىمى بويىنشا كىنالى دەپ تانىلىپ، 10 جانە 8 جىلعا باس بوستاندىعىنان ايىرىلدى.
