قاراعاندى وبلىستىق ءماسليحاتىن بۇقار جىراۋ اۋدانىنىڭ اكىمى بولىپ جۇمىس ىستەگەن نۇركەن قوبجانوۆ باسقاردى. ونىڭ كانديداتۋراسىن VIII شاقىرىلىمنىڭ ءبىرىنشى سەسسياسىندا جاڭادان سايلانعان دەپۋتاتتار ءبىراۋىزدان ماقۇلدادى. زاڭناماعا سايكەس وكىلدى ورگانعا اۋىسۋىنا بايلانىستى نۇركەن قوبجانوۆ اۋدان باسشىسى قىزمەتىنەن كەتەدى.
قاراعاندى وبلىستىق ءماسليحاتىن بۇقار جىراۋ اۋدانىنىڭ اكىمى بولىپ جۇمىس ىستەگەن نۇركەن قوبجانوۆ باسقاردى. ونىڭ كانديداتۋراسىن VIII شاقىرىلىمنىڭ ءبىرىنشى سەسسياسىندا جاڭادان سايلانعان دەپۋتاتتار ءبىراۋىزدان ماقۇلدادى. زاڭناماعا سايكەس وكىلدى ورگانعا اۋىسۋىنا بايلانىستى نۇركەن قوبجانوۆ اۋدان باسشىسى قىزمەتىنەن كەتەدى.
– مەملەكەتتىك قىزمەتتە شامامەن 17 جىل جۇمىس ىستەدىم. حالىقتىڭ پروبلەمالارىن بىلەمىن، بۇل ماسەلەلەردى وكىلدى ورگاندا شەشۋدى شەشتىم. بۇگىن وتستاۆكاعا كەتۋ تۋرالى ءوتىنىش بەرەمىن، – دەدى نۇركەن قوبجانوۆ.
ءبىرىنشى سەسسيا سايلاۋ قورىتىندىلارىن جاريالاۋدان باستالدى.
وبلىستىق سايلاۋ كوميسسياسىنىڭ توراعاسى قايرات نۇركەنوۆتىڭ ايتۋىنشا، وڭىردە بارلىق دەڭگەيدەگى ءماسليحاتتاردىڭ 214 دەپۋتاتى سايلانعان.
العاش رەت وبلىستىق ماسليحاتقا سايلاۋ پروپورتسيونالدى ماجوريتارلىق جۇيە بويىنشا وتكىزىلدى. 36 ورىننىڭ جارتىسىن ءبىر مانداتتى وكرۋگتەر بويىنشا سايلانعان دەپۋتاتتار يەلەندى. جانە 18 ماندات پارتيالىق تىزىمدەر بويىنشا ءبولىندى.
سايلاۋ ناتيجەسىندە قاراعاندى وبلىستىق ءماسليحاتىنىڭ قۇرامى جاڭارتىلدى. الدىڭعى شاقىرىلىمنان سەگىز ادام دەپۋتاتتىق وكىلەتتىكتەرىن ساقتاپ قالدى.
سەسسيادا جاڭادان سايلانعان دەپۋتاتتارعا كۋالىكتەر تابىستالدى.
سودان كەيىن وبلىستىق ءماسليحاتتىڭ توراعاسى سايلاندى. سونداي-اق، دەپۋتاتتار تۇراقتى كوميسسيالارعا ءبولىنىپ، ولاردىڭ توراعالارىن سايلادى.
دەپۋتاتتارعا وبلىس اكىمى ەرماعانبەت بولەكپاەۆ جۇگىندى. ءوڭىر باسشىسى بىرلەسىپ شەشىلەتىن مىندەتتەردى بەلگىلەدى. باسىمدىقتاردىڭ قاتارىنا جۇمىسپەن قامتۋ، شاعىن جانە ورتا بيزنەستى دامىتۋ، قولجەتىمدى باسپانا، ساپالى دەنساۋلىق ساقتاۋ جانە ءبىلىم بەرۋ جاتادى.
– اعىمداعى جىلى ءبىزدىڭ الدىمىزدا 10 مىڭنان استام جاڭا جۇمىس ورنىن قۇرا وتىرىپ، جالپى وڭىرلىك ءونىمدى 2,4%-عا ۇلعايتۋ مىندەتى تۇر. ول ءۇشىن 147 ملرد تەڭگەگە 11 ينۆەستيتسيالىق جوبانى ىسكە اسىرۋ جوسپارلانۋدا، – دەپ اتاپ ءوتتى ەرماعانبەت بولەكپاەۆ. – سايلاۋشىلار سىزدەردىڭ الدارىڭىزعا شەشۋدى قاجەت ەتەتىن بىرقاتار ماسەلەلەر قويدى. بىرلەسكەن كۇش-جىگەردىڭ ارقاسىندا ءبىز ءوڭىردىڭ ودان ءارى دامۋىن قامتاماسىز ەتىپ، تۇرعىندارىمىزدىڭ ءومىر ءسۇرۋ ساپاسىن ارتتىراتىنىمىزعا سەنىمدىمىن.
