سولتۇستىك كورەيا باسشىسى كيم چەن ىن ىقتيمال سوعىسقا دايىندىقتى كۇشەيتۋگە شاقىردى. بۇل مالىمدەمە وڭتۇستىك كورەيا مەن اقش-تىڭ بىرلەسكەن اسكەري جاتتىعۋلار وتكىزۋ جوسپارى اياسىندا ايتىلدى، دەپ حابارلايدى «ادىرنا» ءتىلشىسى.
ول ورتالىق اسكەري كوميسسياسىنىڭ كەڭەيتىلگەن وتىرىسىندا قارۋ-جاراق ءوندىرىسىن ارتتىرىپ، اسكەري جاتتىعۋلاردى كەڭەيتۋدىڭ ماڭىزىن اتاپ ءوتتى.
سونداي-اق كحدر باسشىسى بەلگىسىز سەبەپتەرمەن جوعارى اسكەري گەنەرال، باس شتاب باستىعى پاك سۋ
ءيلدى قىزمەتىنەن بوساتىپ، ونىڭ ورنىنا قورعانىس ءمينيسترى قىزمەتىن اتقارعان، گەنەرال ري يون گيلدى تاعايىندادى.
كورەيانىڭ ورتالىق اقپارات اگەنتتىگىنىڭ جازۋىنشا، كيم چەن ىن كورەي تۇبەگى مەن ونىڭ توڭىرەگىندەگى قازىرگى جاعدايدى تەرەڭ تالداعان.
ۇقساس جاڭالىقتار
«بۇدان بولەك كورەي حالىق ارمياسىنىڭ شابۋىلداۋ تۇرىندەگى اسكەري دايىندىعىن ودان ءارى ارتتىرۋ تۋرالى ماڭىزدى قورىتىندى جاسادى»،—دەدى جەرگىلىكتى باسىلىم.