استانا قالاسى جەكەمەنشىك مەكتەپتەرىندەگى مۇقتاج وقۋشىلار جاعدايى ءسوز ەتىلدى، دەپ جازادى "ادىرنا". ماسەلەنىڭ ءمان-جايىن شىڭعىس مۇقان الەۋمەتتىك جەلىدە ءبولىستى.
استانا قالاسىنداعى جەكەمەنشىك مەكتەپتەردەگى كومەككە مۇقتاج وقۋشىلاردىڭ جاعدايى جەلىدە تالقىعا ءتۇستى. ەلىمىزدە جەكەمەنشىك مەكتەپتەردەگى وقۋشىلارعا مەملەكەت كىتاپ بەرمەيدى، ىستىق تاماقپەن قامتاماسىز ەتپەيدى، بىراق ولار قازاقستان ازاماتتارى عوي، دەپ كوتەردى ماسەلەنى شىڭعىس مۇقان:
"بىرىنشىدەن، پرەزيدەنتتىڭ مۇقتاج وقۋشىلارعا ءبىر رەتتىك كومەك بەرۋ تۋرالى تاپسىرماسى تولىق ورىندالمايىن دەپ تۇر، سەبەبى جەكەمەنشىك مەكتەپتەردە وقيتىن مۇقتاج وقۋشىلىرعا كومەك بەرەتىن زاڭ تەتىكتەرى جوق. ەكىنشىدەن، جەكەمەنشىك مەكتەپتەرگە مەملەكەت كىتاپ بەرمەيدى. ۇشىنشىدەن، مەملەكەت ەسەبىنەن ىستىق تاماق بەرۋگە بولمايدى. وقۋشىداردى زاڭ الالايدى. بالالاردى الالايتىن زاڭدى نەگە وزگەرتپەسكە!" دەپ جازدى ول.
سونداي-اق، ول جەكەمەنشىك مەكتەپتەردەگى وقۋشىلاردىڭ اتا-انالارى ءالى كۇنگە دەيىن حابارلاسىپ، اتالعان ماسەلەگە قاتىستى كومەك سۇرايتىنىن جەتكىزدى ول.
ۇقساس جاڭالىقتار
