WRO-2023: NIS تالدىقورعان روبوتشىلارىنىڭ جەڭىسى

5120
Adyrna.kz Telegram

تالدىقورعان قالاسىنداعى نازارباەۆ زياتكەرلىك مەكتەبىنىڭ كومانداسى روبوتوتەحنيكادان ۇلتتىق چەمپيوناتىنىڭ جەڭىمپازى اتاندى.

جارىست الماتى قالاسىنىڭ حيميا-بيولوگيالىق باعىتتاعى نازارباەۆ زياتكەرلىك مەكتەبى بازاسىندا ءوتتى.

روبوتوتەحنيكادان رەسپۋبليكالىق وليمپيادانىڭ بيىلعى تاقىرىبى – «الەمدى بىرىكتىرەمىز». بۇل بىرىككەن ۇلتتار ۇيىمىنىڭ تۇراقتى دامۋ ماقساتتارىن ورىنداۋعا باعىتتالعان جانە قاتىسۋشىلاردى لوگيستيكا مەن تسيفرلىق ينفراقۇرىلىمعا كومەكتەسەتىن روبوتتاردى جاساۋ ءۇشىن ءبىر الاڭعا جينايدى. ال بايقاۋدىڭ باستى مىندەتى كۇندەلىكتى ومىردە ادامعا قامقورلىق تانىتىپ، قىزمەت كورسەتەتىن روبوتتاردى جاساقتاۋ بولىپ قالا بەرەدى.

جاتتىقتىرۋشى، ينفورماتيكا ءپانىنىڭ مۇعالىمى نيكولاي ءاۆديۋنيننىڭ جەتەكشىلىگىمەن تالدىقورعان NIS كومانداسى ەكى جوبانى ۇسىندى. ەكەۋى دە «Future Innovators» اتالىمى بويىنشا ۇلكەن جانە ورتا جاس توپتارىندا ءبىرىنشى ورىندى جەڭىپ الدى.

9-سىنىپ وقۋشىلارى ديانا حاسيموۆا، يليا ستاسيۋكوۆ كونتەينەرلەردى سۇرىپتاۋعا جانە قايتا تيەۋگە ارنالعان تەڭىز لوگيستيكالىق تەرمينالىنىڭ ءپروتوتيپىن جاسادى.

 ساۋدا ساتتىعى 80% مۇحيتتار ارقىلى جۇزەگە اسادى. ساۋدانىڭ دامۋىن شەكتەيتىن تۇستارى بار. وسىنداي ساتتەردىڭ ءبىرى - جونەلتۋ پورتىنا كەلەتىن بارلىق كونتەينەرلەردى ۇزاق كۇتۋ»، - دەيدى سۇحباتىندا ديانا حاسيموۆا. تەڭىز تەرمينالىن تەڭىز ساۋدا جولدارىنىڭ قيىلىسىندا ورناتاتىن بولساق، كونتەينەرلەردى جەتكىزۋ جىلدامدىعى ارتادى.

روبوتشىلاردىڭ ايتۋىنشا تەڭىز تەرمينالىندا جاساندى ينتەللەكت جۇيەسى ورنالاسقان، نەيروندىق جەلى كونتەينەرلەردىڭ تاڭبالارىن انىقتاپ، اۆتوماتتاندىرىلعان كراننىڭ كومەگىمەن جۇكتەي دە، تۇسىرە دە الادى.

«ورمەكشى انا» 9-سىنىپ وقۋشىلارى رانونا جالەلقىزى مەن كاريما ماقاننىڭ بىرەگەي جوباسىنىڭ اتاۋى. Spider Mom — ادام قولى جەتپەيتىن جەرلەرگە سىمداردى ءوز بەتىنشە توسەۋگە قابىلەتتى روبوت.

 ينتەرنەتكە قولجەتىمدىلىك ەلىمىزدىڭ تسيفرلىق دامۋىنداعى ستراتەگيالىق ماڭىزدى ماسەلە بولىپ تابىلادى. بۇل اسىرەسە پاندەميا كەزىندە، الەم ونلاين رەجيمگە كوشكەن كەزدە ناقتى بولدى. دەگەنمەن، بارلىق اۋىلدىق ەلدى مەكەندەر ينتەرنەتكە قول جەتكىزە المايدى. ءبىزدىڭ زەرتتەۋىمىز بويىنشا، قازاقستان بويىنشا 1432 اۋىلدىڭ 200 مىڭنان استام تۇرعىنى ينتەرنەت-ينفراقۇرىلىمسىز قالۋدا. تسيفرلىق تەڭسىزدىكتى جويۋ، ينتەرنەتكە بارىنشا قولجەتىمدىلىك پەن بارلىق ازاماتتاردى ساپالى بايلانىسپەن قامتاماسىز ەتۋ قاجەت، —  دەيدى جاس ونەرتاپقىشتار.

جوبا اۆتورلارىنىڭ ايتۋىنشا، بار تىرەكتەردى ولاردىڭ ورمەكشى روبوتىنىڭ كومەگىمەن اۆتوماتتى توسەۋ ءۇشىن پايدالانۋعا بولادى. روبوت جوعارى جىلدامدىقتى وپتيكالىق كابەلدى بەكىتۋگە، تىرەكتەردىڭ تۇرلەرىن ءتىپتى اۋا-رايىن انىقتاۋعا قابىلەتتى.

ايتا كەتەيىك، روبوتوتەحنيكا چەمپيوناتىندا بىرقاتار روبوتتاردى جارىستىرۋ كاتەگوريالار بولدى. RoboSports جارىسىندا 3-ورىندى راۋشان اسقار، ەڭلىك مامان يەلەندى.

وليمپيادا RoboMission, Future Innovators, Future Engineers جانە ساناتتارى بويىنشا وتكىزىلدى. ءار ساناتتا جوعارى بالل جيناعان جەڭىمپاز كوماندالار 2023 جىلعى 7-9 قاراشادا پانامادا وتەتىن حالىقارالىق چەمپيوناتتا قازاقستاننىڭ نامىسىن قورعايدى. اقتىق كەزەڭدە 90-نان استام ەلدىڭ جاس تالانتتارى باق سىنايدى دەپ جوسپارلانعان.

ەسكە سالساق، «نازارباەۆ زياتكەرلىك مەكتەپتەرى» دەربەس ءبىلىم بەرۋ ۇيىمى 2014 جىلدان بەرى World Robot Olympiad-تىڭ قازاقستانداعى ۇلتتىق ۇيلەستىرۋشىسى قىزمەتىن اتقارادى جانە الەم چەمپيوناتىنا قاتىسۋ ءۇشىن ۇلتتىق قۇرامانى دايىندايدى.

پىكىرلەر