پوليتسيا كۇدىكتى بۇعان دەيىن ۇساق زاتتاردى ۇرلاعانى ءۇشىن سوتتالعانىن مالىمدەدى
جامبىل وبلىسىندا 8 جاسار قىزدى ءولتىردى دەگەن كۇدىكپەن قاراتاۋ قالاسىنىڭ تۇرعىنى ۇستالدى.
37 جاستاعى ۇستالعان ازامات كىناسىن مويىندادى، دەپ حابارلادى "حابار 24".
پوليتسيا دەپارتامەنتىنىڭ مالىمەتىنشە، ەر ادام بۇعان دەيىن 175-باپ بويىنشا، ياعني ۇساق زاتتاردى ۇرلاعانى ءۇشىن سوتتالعان.
ەستەرىڭىزدە بولسا، ارۋاي بەرىك 24 ساۋىردە جوعالىپ كەتكەن، ال كەلەسى كۇنى قاراتاۋ قالاسىنىڭ ماڭىندا ءبۇلدىرشىننىڭ ورتەلگەن دەنەسى تابىلعان.
قازىرگى ۋاقىتتا "كىسى ءولتىرۋ" بابى بويىنشا سوتقا دەيىنگى تەرگەۋ ءجۇرىپ جاتىر. قىلمىسكەر 15 جىلدان جوعارى مەرزىمگە سوتتالۋى مۇمكىن.
