القالى جيىننىڭ ماقساتى – مۇرات اۋەزوۆتىڭ مۇراسىن ناسيحاتتاپ، قىزمەت جولىن سارالاۋ، جاستارعا ونەگە كورسەتۋ.
ول – اسىلدىڭ سىنىعى، تەكتىنىڭ تۇياعى. ول – قوعام قايراتكەرى، مادەنيەتتانۋشى، قالامگەر عانا ەمەس. ول سونداي-اق ارحەولوگ. بۇگىن مۇحتار اۋەزوۆتىڭ ۇلى مۇرات اۋەزوۆ ۇلىقتالدى. مادەنيەتتانۋشىنىڭ 80 جىلدىق مەرەيتويى اياسىندا الماتىدا حالىقارالىق عىلىمي-تاجىريبەلىك كونفەرەنتسيا ءوتتى.
بار عۇمىرىن شىعارماشىلىعى مەن قىزمەتىنە سارپ ەتكەن اسىلدىڭ سىنىعىنىڭ مەرەيتويىنا وراي ءال-فارابي اتىنداعى كىتاپحانادا ۇلكەن ءىس-شارا ءوتتى. العى ءسوز العان قالا بيلىگىنىڭ وكىلى قالامگەردىڭ ەڭبەگىن ەرەكشە اتاپ، قۇرمەت كورسەتتى.
– قۇرمەتتى مۇرات مۇحتارۇلى، ءاردايىم ەل يگىلىگى جولىنداعى شىعارماشىلىق ەڭبەگىڭىز جەمىستى بولسىن دەي وتىرىپ، سىزگە مىقتى دەنساۋلىق، شالقار شابىت، ۇزاق عۇمىر جانە وتباسىڭىزعا باق-بەرەكە تىلەيمىن. الماتى قالاسى اكىمدىگىنىڭ اتىنان مۇرات مۇحتارۇلىنا سىي-سياپاتىمىز بار، – دەدى مادەنيەت باسقارماسى باسشىسىنىڭ ورىنباسارى دامير ءجۇمادىلوۆ.القالى جيىنعا مەملەكەت جانە قوعام قايراتكەرلەرى، قىرعىزستان، وزبەكستان، تاتارستان، نيدەرلاندى ەلىنەن كەلگەن عالىمدار مەن اقىن-جازۋشىلار، زيالى قاۋىم وكىلدەرى قاتىستى. باسقوسۋدىڭ قارا شاڭىراقتا وتۋىندە، كونفەرەنتسيانىڭ «تاريحي-مادەني ۇدەرىستەگى ساباقتاستىق» دەپ اتالۋىندا ەرەكشە ءمان بار. ال تۇركسوي حالىقارالىق ۇيىمىنىڭ باس حاتشىسى «اۋەزوۆتەر وتباسى – حالىققا قىزمەت ەتكەن ۇلگىلى اۋلەت» دەپ بىلەدى. انكارادان ارنايى كەلگەن ول جاقىندا مۇرات مۇحتارۇلىنىڭ «بىرلىك» اتتى كىتابى تۇرىك تىلىنە اۋدارىلعانىن ايتتى.
– مۇحتار اۋەزوۆ تە، مۇرات اۋەزوۆ تە ەشبىر كەڭەستىك توتاليتارلىق جۇيەگە باس يمەگەن، ونىڭ اياسىنان شىعا بىلگەن. وسى جولدا رۋحاني كۇرەسىپ، قازاقتىڭ جان دۇنيەسىنە ۇڭىلە بىلگەن ۇلى تۇلعالار. سوندىقتان مۇرات اعانىڭ اكەسىنىڭ جولىن قۋىپ، ۇلتتىڭ رۋحاني بايلىعىن كۇشەيتىپ جاتقانى – اۋەزوۆتەردىڭ گەنەتيكالىق كودى بولسا كەرەك. گەنەتيكالىق ميسسياسى – شىندىقتى ايتۋ، ەلگە قىزمەت قىلۋ, – دەدى تۇركسوي حالىقارالىق ۇيىمىنىڭ باس حاتشىسى سۇلتان راەۆ.تاعىلىمدى جيىننىڭ ماقساتى – مۇرات اۋەزوۆتىڭ عىلىمي، شىعارماشىلىق ەڭبەكتەرىمەن قاتار، قوعامدىق جانە مەملەكەتتىك قىزمەتىنىڭ ماڭىزدى كەزەڭدەرىن سارالاپ، قالامگەردىڭ رۋحاني مۇراسىن ناسيحاتتاۋ. توردەن ورىن الىپ، قۋانىشتى بولىسۋگە كەلگەن قالامگەردىڭ زامانداستارى مەن تۋىستارى اكادەميكتىڭ ەرەكشە قىرىن اتاپ ءوتتى.
– مۇرات اۋەزوۆ – قازاقتىڭ ۇلى جازۋشىسى مۇحتار اۋەزوۆتىڭ ۇلى بولعاندىقتان، حالىق اكەمىزدى اسىلدىڭ تۇياعى دەپ ءبىلدى، ءۇمىت ارتتى. اتا جولىن جالعاستىرۋدا جاساعان ەڭ العاشقى قادامى شىعىستانۋشى ماماندىعىن وقىعانى ەدى. مەن دە سول داستۇرمەن ماسكەۋگە وقۋعا ءتۇستىم. اكەم «لەيتەنانت شميدتتى» داۋىستاپ وقىپ، تاريحتى ۇمىتپاۋ كەرەك ەكەنىن ۇيرەتەتىن، – دەدى مۇرات اۋەزوۆتىڭ قىزى زيفا-الۋا اۋەزوۆا. – تالاي ەسكەرتكىشتەردى بىرگە زەرتتەدىك. ول جاعىن ءوزى دە ايتپايدى. بىراق ورتالىق قازاقستانداعى جۇزدەگەن ەسكەرتكىشتى بىرگە زەرتتەدىك. وعان مۇراتتىڭ قوسقان ۇلەسى كوپ. ەدىگە تاۋىنا دا كوتەرىلدىك. سول «ەدىگە ەسكەرتكىشىن» تىزىمگە كىرگىزدىك، – دەدى تاريحشى، ارحەولوگ مارات سەمبىحالقىمىزدىڭ رۋحاني مادەنيەتىن دامىتۋعا، ورتالىق ازيا حالىقتارىنىڭ تاريحي قۇندىلىقتارىن زەرتتەۋ مەن ناسيحاتتاۋعا ولشەۋسىز ۇلەس قوسقان مۇرات اۋەزوۆ كەلگەن قاۋىمعا العىسىن ءبىلدىردى.
– كەزىندە ءبىر-ءبىرىمىزدى ىزدەدىك، ارمانىمىز ءبىر بولدى. ونى انىق ايتتىق. ءبىز تاۋەلسىزدىك ءۇشىن كۇرەستىك. سول كۇرەس جولىندا بولاشاق بۇلدىر، قالاي بولاتىنى بەلگىسىز ەدى. بىراق سەندىك. بۇگىن ناتيجەسىن بەرىپ وتىر. ءوزىمدى باقىتتىمىن دەپ سانايمىن. «مىڭ ولگەن، مىڭ تىرىلگەن قازاقپىز». شىنىمەن، قانداي سىندار بولماسىن بارىنەن وتەمىز، – دەدى مەملەكەت جانە قوعام قايراتكەرى مۇرات اۋەزوۆ.سەسسيالىق وتىرىسپەن جالعاسقان عىلىمي-كونفەرەنتسيادا جيىلعان قاۋىم قالامگەردىڭ شىعارماشىلىعىنا ەرەكشە توقتالدى. اقپارات: almaty.tv
