"توننالاپ الىپ جاتىر". ايتىسكەر اينۇر تۇرسىنباەۆا ەركەكتەرگە كۇش بەرەتىن شاي زاۋىتىن اشتى

ايتىسكەر اقىن اينۇر تۇرسىنباەۆا تابيعي، تازا ورگانيكالىق ونىمدەر شىعاراتىن كومپانياسىن اشتى, دەپ حابارلايدى "ادىرنا" اقپارات اگەنتتىگى. ء"بىز بۇگىن ءتورت ءونىمدى ۇسىنىپ وتىرمىز. ءبىرىنشىسى كوك شاي، بىراق بۇنىڭ ءدامى كوك شاي بولعانىمەن، ىشىندە يتمۇرىن، تاۋدا وسكەن جالبىز، قانت ديابەتىمەن اۋىراتىندارعا ىشۋگە بولاتىن ناۋات، تۇركيادان اكەلگەن تسيترۋستار قوسىلعان. ەكىشىسى دارۋمەنگە تولى قارا شاي، ءۇشىنشىسى سۇڭعىلا تامىرىنان جاسالعاني ەمدىك شاي، ءتورتىنشىسى – ءتىرى حلورەللا", - دەدى اينۇر تۇرسىنباەۆا. ول قىتايلىقتار توننالاپ ساتىپ الاتىن سۇڭعىلا ءشوبىنىڭ ەمدىك قاسيەتى تۋرالى ايتتى. ء"بىزدىڭ مويىنقۇمنىڭ شالدارى سۇڭعىلا دەگەن ءشوپتىڭ تامىرىنىڭ توننالاپ قىتايعا كەتىپ جاتقانىن كورىپ، ىشتەن تىنىپ جىلايتىن ەدى. سونى ەستىپ، 2021-جىلى تاۋەكەل دەپ اۋىلدىڭ بالالارى جيناعان 20 توننا سۇڭعىلانى ساتىپ الدىق. ول كەزدە نە زاۋىت، نە قويما جوق، قىتايعا بەرمەسەك بولدى دەپ ساتىپ الا بەردىك. 2 جىلدىڭ ىشىندە بارلىق كۇشىمىزدى، اقشامىزدى، جانىمىزدى سالىپ، وسى تسەحتى سالدىق. ءسويتىپ تامىردان شاي جاسايتىن زاۋىت ىسكە قوسىلدى", - دەدى ول. تۇرسىنباەۆانىڭ ايتۋىنشا، سۇڭعىلا ءشايىنىڭ ەل اراسىنداعى اتاۋى باسقاشا.  تابيعي انتيبيوتيك رەتىندە قولدانىلادى دەدى. سۇڭعىلانىڭ تامىرى موڭعوليادا "شىڭعىسحاننىڭ ءشايى" دەپ اتالادى، سەبەبى شىڭعىسحان اسكەرىنە شارشاماس ءۇشىن وسى ءشايدى بەرىپ وتىرعان. "شىعىس مەديتسيناسى ەڭ كۇشتى وسىمدىك دەپ جەنشەندى ەسەپتەسە سۇڭعىلا جەنشەننەن 10 ەسە كۇشتى! ۋرولوگتار سۇڭعىلانىڭ ءشايى ۆياگرادان 5-10 ەسەگە دەيىن كۇشتى دەپ ايتادى. سۇڭعىلانىڭ تامىرىن ۇگىتىپ تىشقاندارعا بەرىپ ەكسپەريمەنت جاساعاندا تىشقانداردىڭ كوبەيۋى 5 ەسەگە ارتىپ كەتكەن. سۇڭعىلانىڭ ءشايىن 1 اي ىشكەن ادامنىڭ وتىندەگى، بۇيرەگىندەگى تاس ۇگىتىلىپ تاپ-تازا بوپ كەتەدى. سۇڭعىلانىڭ ءشايىن 1 جىل ىشكەن ادامنىڭ بويىندا اۋرۋ قالمايدى. سۇڭعىلانىڭ ءشايى ەركەكتەر بەلسىزدىگىن تولىق ەمدەيدى. سۇڭعىلانىڭ ءشايى راك كلەتكالارىن جويادى. سۇڭعىلا قىتايدا قىزىل كىتاپقا ەنگەن وسىمدىك", - دەپ جازدى اينۇر تۇرسىنباەۆا.