ليۆياداعى سۋ تاسقىنى سالدارىنان قازا تاپقانداردى جەرلەۋ ءراسىمى وتۋدە. تابيعي اپاتتان 11 مىڭنان استام ادام قۇربان بولسا، تاعى 10 مىڭعا جۋىعى حابار-وشارسىز كەتتى، دەپ حابارلايدى "ادىرنا" ءتىلشىسى Tengrinews.kz سىلتەمەسىمەن.
دۇنيەجۇزىلىك دەنساۋلىق ساقتاۋ ۇيىمىنىڭ ۇسىنىستارىنا سايكەس، بارشا قايتىس بولعانداردىڭ ءبارىن بىرگە جەرلەۋگە ءماجبۇر.
ليۆيادا ءالى جوعالعان ادامداردى ىزدەستىرۋ جالعاسۋدا. قۇتقارۋشىلار مەن جوعالعان ازاماتتاردىڭ تۋىستارى قيراندىلاردىڭ استىنان ءتىرى قالعانداردى تابۋعا ءۇمىتتى.
قازىر تۇرعىندار ۇيىندىلەردى كۇرەكپەن، قولدا
بار كەز كەلگەن قۇرالدارمەن تازالاپ جاتىر. دەرناداعى اپاتقا بايلانىستى وزگە ەلدەن قۇتقارۋشىلار توبى دا كومەككە كەلگەن.
كوشى-قون جونىندەگى حالىقارالىق ۇيىمنىڭ حابارلاۋىنشا، ليۆيانىڭ شىعىسىندا 68 مىڭنان استام باسپاناسىز قالعان. بۇۇ اپاتتان زارداپ شەككەندەرگە كومەك كورسەتۋ ماقساتىندا حالىقارالىق قاۋىمداستىقتان 71 ميلليون دوللار ءبولۋدى ۇسىندى.
جويقىن سۋ تاسقىنى وتكەن جەكسەنبىدە ليۆيادا بولعان ەدى. بيىكتىگى بىرنەشە مەترلىك تولقىن قالانىڭ كوپتەگەن بولىگىن شايىپ كەتتى.
ۇقساس جاڭالىقتار
