جەلىدە رەسپۋبليكا كۇنى قارساڭىندا تاراعان ءتۇرلى اقپاراتتارعا بايلانىستى ىشكى ىستەر مينيسترلىگى قاۋىپسىزدىك كەشەنىنىڭ كۇشەيەتىنى جايلى مالىمدەدى، دەپ حابارلايدى “ادىرنا” ۇلتتىق پورتالى.
مينيسترلىك 25 قازان رەسپۋبليكا كۇنى قارساڭىندا قالالار مەن اۋدانداردا قاۋىپسىزدىك ءجىتى قاداعالانىپ، جاعدايلاردىڭ بارلىعى باقىلاۋدا بولاتىنىن حابارلادى. بۇل تۋرالى قر ءىىم اكىمشىلىك پوليتسياسى توراعاسىنىڭ ورىنباسارى الىبەك كەڭىسپاەۆ باياندادى.
“اعىمداعى جىلدىڭ 24-26 قازان ارالىعىندا بارلىق جەكە قۇرام كۇشەيتىلگەن كەزەكشىلىك رەجيمىنە اۋىستىرىلدى;
ءار وبلىستاعى اكىمدىكتەرمەن بىرلەسە وتىرىپ، مادەني-كوپشىلىك شارالاردى وتكىزۋ ورىندارى كەلىسىلىپ، قۇقىقتىق ءتارتىپتى قامتاماسىز ەتۋ ءۇشىن كۇشتەر مەن قۇرالداردىڭ ەسەبى دايىندالدى;
20 مىڭعا دەيىن پوليتسيا قىزمەتكەرى مەن ۇلتتىق ۇلان اسكەرىن تارتۋ جوسپارلانۋدا;
پوليتسەيلەردىڭ پاترۋلدىك باعىتتارى جەدەل باسقارۋ ورتالىعىنداعى بەينەباقىلاۋ كامەرالارى ارقىلى ۆيزۋالدى باقىلاۋ ارقىلى ازاماتتار كوپ جينالاتىن جانە دەمالاتىن ورىندارعا جاقىنىراق بولادى;
جاعدايدى باقىلاۋ ءۇشىن ىشكى ىستەر مينيسترلىگىنىڭ بازاسىندا جەدەل شتاب قۇرىلىپ، وسىنداي شتابتار بارلىق وڭىرلەردە جۇمىس ىستەيتىن بولادى” دەپ جازدى ول.
