الماتىدا ءبىرىنشى جارتىجىلدىقتا شاعىن جانە ورتا كاسىپورىنداردىڭ ءوندىرىسى 8,6 %-عا ءوستى

بۇگىنگى كۇنى وڭتۇستىك استانادا كاسىپكەرلىك الەۋەتى جوعارى. سوڭعى 9 ايدىڭ قورىتىندىلارى اتالمىش سالادا ىلگەرلەۋدىڭ بار ەكەنىن كورسەتۋدە. الماتى قالالىق كاسىپكەرلىك باسقارماسىنىڭ مالىمەتىنشە، ءبىرىنشى جارتىجىلدىقتا  جارتىجىلدىقتا شاعىن جانە ورتا كاسىپورىنداردىڭ ءوندىرىسى 8,6 %-عا وسكەن.  ال بەلسەندى شوب سۋبەكتىلەرىنىڭ سانى 25,8%-عا ءوسىپ، 341 مىڭعا جەتكەن جايى بار. اكىمدىك تاراپىنان كاسىپكەرلەردى قولداۋ ءىسى جۇيەلى تۇردە جۇرگىزىلۋدە.  مىسالعا، بيىلدىڭ وزىندە شوب سۋبەكتىلەرىن سۋبسيديالاۋ، كەپىلدىك بەرۋ جانە نەسيە بەرۋ ارقىلى قولداۋعا 49,4 ملرد تەڭگە ءبولىندى. 2023 جىلدىڭ سوڭىنا قاراي جالپى وڭىرلىك ونىمگە شوب ۇلەسى 60%-عا دەيىن ارتادى دەپ كۇتىلۋدە. بۇل ءوز كەزەگىندە الماتىنىڭ قىسقا مەرزىمدى ەكونوميكالىق ينديكاتورىنىڭ وسۋىنە ىقپال ەتكەن جايى بار.  اتالمىش سالادا كورسەتىش 13,5 پايىزعا جوعارلاعان. ءتىپتى، ەلدەگى وڭدەۋ ونەركاسىىنىڭ ەڭ جوعارى ءوسۋ قارقىنى الماتى قالاسىنا تيەسىلى.  مۇنداعى كورسەتكىش 21%-كورسەتۋدە. جاۋاپتىلاردىڭ سوزىنە سۇيەنسەك، اۆتوموبيلدەر ءوندىرىسىن، تاماق جانە فارماتسەۆتيكا ونەركاسىبىن ۇلعايتۋ ەسەبىنەن وڭ ديناميكاعا قولجەتتى. ناقتىلايتىن بولساق، ساۋدا سالاسى 14,5% – عا، ونىڭ ىشىندە بولشەك ساۋدا سالاسى – 6,5% - عا، كوتەرمە ساۋدا سالاسى-17,4% - عا ءوستى. بايلانىس قىزمەتتەرى 3,3% – عا، كولىك جانە قويمالاۋ 9,5% - عا ۇلعايدى. نەگىزگى كاپيتالعا سالىنعان ينۆەستيتسيالار 1 ترلن تەڭگەدەن اسىپ، جەكە ينۆەستيتسيالار 7,3% - عا دەيىن ارتتى.