قاسىم-جومارت توقاەۆتىڭ رەسپۋبليكالىق قوعامدىق شتابىنىڭ اقتوبە وبلىسىنداعى ساپارىندا اقتوبەلىك ايتىسكەر اقىن مارات احمەتوۆ حالىقتى توقاەۆقا داۋىس بەرۋگە شاقىردى. ماۋلەن اشىمباەۆ، بەكبولات تىلەۋحاندار قاتىسقان بۇل جيىندا ارناۋ ايتقان مارات احمەتوۆ 9 ماۋسىمداعى سايلاۋدا حالىقتى قاسىم-جومارت توقاەۆقا داۋىس بەرۋگە شاقىردى.
ەل بولىپ ەرتەڭگە جول باستاپ ەدىڭ،
بوداندىقتىڭ تۇمانىن اشقان ەدىڭ.
وتىز جىلداي تاۋەلسىز تاڭ اتىردىق،
وتكەن كۇنىڭ توم تاريح، داستان ەلىم.
وتكەنىڭ بۇگىنىڭنەن مۇلدە بولەك،
ونى وزىڭدە بەرەسىڭ راستاپ ەلىم.
ەلباسىنى قولداعان ەلىم مەنىڭ،
شاتتىعىڭنىڭ شاشۋىن شاشقان ەدىڭ.
ەلدىكتىڭ سىنعا تۇسەر ءساتى مىناۋ،
بايقاماي باقىتىڭنىڭ باسپا بەلىن.
سايلاۋ الدى پارتيا مۇشەسى بوپ،
ايتارىم دۇشپانىم جوق دوسقا مەنىڭ.
كوسەگەڭدى كوگەرتكەن نۇر وتاننان،
ەشقانداي تاڭداۋىم جوق باسقا مەنىڭ! - دەگەن اقىننىڭ جىرىنا پارتيا مۇشەلەرى دۋ قول شاپالاقپەن قولداۋ ءبىلدىرىپ وتىردى.
كەمەلۇلى باستاعان بۇل قازاقتىڭ
كەلىستى كەلەشەگى كەمەل بولسىن دەپ اياقتادى ايتىسكەر اقىن ارناۋىن.
[video width="640" height="352" mp4="https://adyrna.kz/content/uploads/2019/05/marat.mp4"][/video]
ەستەرىڭىزگە سالا كەتەيىك، "ايتىسكەر اقىندار مەن جىرشى-تەرمەشىلەردىڭ حالىقارالىق وداعىنىڭ" II قۇرىلتايىندا اقىندار سايلاۋدا قاسىم-جومارت توقاەۆتى قولدايتىندارىن شەشكەن بولاتىن.
بىراق، ايتىسكەر اقىن رينات زايىتوۆ "ادىرنا" ۇلتتىق پورتالىنا بەرگەن سۇحباتىندا بۇل ويمەن كەلىسپەيتىنىن ايتقان بولاتىن.
https://adyrna.kz/adyrna-media-portal/rinat-zajytov-bankterdi-b-ri-zderiniki/
"ادىرنا" ۇلتتىق پورتالى
