الماتىدا 2023 جىلدىڭ I توقسانىنداعى مالىمەتتەر بويىنشا 872 مىڭ قالا تۇرعىنى شاعىن جانە ورتا كاسىپكەرلىكپەن (شوب) اينالىسقان. مۇنداي جوعارى كورسەتكىشتەر قازاقستاننىڭ بىردە-ءبىر وڭىرىندە جوق، دەپ Ranking اگەنتتىگى ءوز زەرتتەۋلەرىمەن ءبولىستى.
Ranking اگەنتتىگىنىڭ زەرتتەۋىنىڭ ناتيجەسىندە الماتى قالاسى شاعىن جانە ورتا بيزنەستە جۇمىسپەن قامتۋ سانى بويىنشا كوش باسىندا. شوب پەن اينالىساتىن ادامدار مەگاپوليستەگى بارلىق ەكونوميكالىق بەلسەندى حالىقتىڭ 79,6%-ىن قۇرايدى. الماتىدا 2023 جىلدىڭ I توقسانىنداعى مالىمەتتەر بويىنشا 872 مىڭ قالا تۇرعىنى شاعىن جانە ورتا كاسىپكەرلىككە بەتبۇرعان.
سالىستىرمالى تۇرعىدا ايتار بولساق، استانادا وسىعان ۇقساس كەزەڭدە ەكونوميكالىق بەلسەندى حالىقتىڭ شوب جۇمىسپەن قامتىلعاندارىنىڭ ۇلەسى 72,8% -دى قۇرادى. ەلىمىزدىڭ باسقا وڭىرلەرىندە، سونىڭ ىشىندە شىمكەنتتە بۇل كورسەتكىش جارتىسىنا دا جەتكەن جوق. جامبىل جانە ۇلىتاۋ وبلىستارىندا شوب جۇمىسپەن قامتىلعانداردىڭ ۇلەسى – 30% - دان دا تومەن. بۇل حالىقتىڭ ءىرى جۇيە قۇراۋشى كاسىپورىندارعا جوعارى تاۋەلدىلىگىن كورسەتەدى، بۇل جالپى وڭىرلەردىڭ ەكونوميكاسى ءۇشىن دە قاۋىپتى، دەپ ەسەپتەيدى اگەنتتىك.
ەلىمىزدە 2023 جىلدىڭ ءبىرىنشى توقسانىنىڭ قورىتىندىسى بويىنشا شوب-پەن 4,1 ملن ادام قامتىلعان، بۇل وتكەن جىلمەن سالىستىرعاندا 14,4% - عا ارتىق. الماتىدان باسقا، جۇمىسپەن قامتىلعانداردىڭ سانى استانادا 499,4 مىڭ ادامدى قۇراسا، تۇركىستان وبلىسىندا بۇل كورسەتكىش 279 مىڭ ادامعا جەتىپ جىعىلعان.
باسقا ماتەريالدار
Adyrna.kz ۇلتتىق پورتالىنىڭ ماڭىزدى اقپاراتتارىنا جازىلۋ
سوڭعى جاڭالىقتار تۋرالى حاباردار بولىڭىز