«JOLTAP» جوباسى اياسىندا 168 وقۋشى تارگەتولوگ، SMM, ۆيدەوگراف، ماركەتپلەيس، موبيلوگراف، گرافيكالىق ديزاينەر جانە ۆەب-ديزاينەر (سايتتاردى ازىرلەۋ) سياقتى تسيفرلىق داعدىلار بويىنشا وقۋىن ءتامامداپ، سەرتيفيكاتتار الدى، دەپ حابارلايدى ەلوردا اكىمدىگىنىڭ رەسمي سايتى.
تۇلەكتەر مەڭگەرگەن ماماندىقتارى ارقىلى جۇمىس ىستەۋدى جوسپارلاپ وتىر: جوبالار جۇرگىزۋ، جاڭا كليەنتتەر تابۋ جانە تابىستارىن ارتتىرۋ.
جاستار اراسىندا دا، 35 جاستان اسقان ازاماتتار اراسىندا دا كۋرستارعا قىزىعۋشىلىقتىڭ ارتۋى بايقالادى. تسيفرلىق داعدىلار بويىنشا قىسقا مەرزىمدى كۋرستاردان ءوتۋ كەزىندە ءبىلىم الۋشىلاردىڭ 63 پايىزىندا جۇمىس تاجىريبەسى بولعان ەمەس، ال ولاردىڭ 11%-ى ءوزىن-ءوزى جۇمىسپەن قامتىعان. تۇلەكتەردىڭ جارتىسى رەسمي تۇردە جۇمىسقا ورنالاسۋدى نەمەسە تاپسىرىستاردى ونلاين فورماتتا قابىلداۋدى جوسپارلاپ وتىر.
«Freelance Mumkindik» قىسقا مەرزىمدى وقىتۋ باعدارلاماسى استانا قالاسىنىڭ 18-50 جاس ارالىعىنداعى تۇرعىندارى ءۇشىن عانا قولجەتىمدى. وعان جازىلۋ «بارشاعا مۇمكىندىك» مودۋلدىك پۋنكتەرىندە وتەدى.
ەلوردا تۇرعىندارى مەملەكەتتىك قولداۋ شارالارى، جۇمىسقا ورنالاسۋ، سونداي-اق جۇمىس جانە تسيفرلىق داعدىلاردى يگەرۋ مۇمكىندىكتەرى بويىنشا مىنا مەكەنجايلار ارقىلى كەڭەس الا الادى:
«Ailand» ودو، قورعالجىن تاس جولى، 2;
«Magnum» سۋپەرماركەتى، ەدىل كوشەسى، 26;
«جاستار» سارايى رەسپۋبليكا داڭعىلى، 34;
«تۇلپار» سو ش. ءۋاليحانوۆ كوشەسى، 24;
«Euromall» ءسۇ، قوسشىعۇلۇلى كوشەسى، 24;
«ۆسترەچا» ءسۇ ابىلاي حان داڭعىلى، 31;
«Mechta» ءسۇ، سىعاناق كوشەسى، 3;
«ازيا پارك» سوو قابانباي باتىر داڭعىلى، 21;
«سايانۇر» بازارى تىلەنديەۆ داڭعىلى، 24/5;
«Big شانحاي» بازارى، الاش تاس جولى، 32ا.
باسقا ماتەريالدار
Adyrna.kz ۇلتتىق پورتالىنىڭ ماڭىزدى اقپاراتتارىنا جازىلۋ
سوڭعى جاڭالىقتار تۋرالى حاباردار بولىڭىز