«بيجان ەت كومبيناتى» جشس مەگاپوليستە ورنالاسقان ەڭ ءىرى كاسىپورىن. الماتى قالاسىنان بولەك، كۇللى قازاقستاندى جوعارى ساپالى شۇجىق پەن ەت ونىمدەرىمەن قامتاماسىز ەتەدى. مۇندا 100-دەن استام ەت ونىمدەرى شىعارىلادى. كومپانيانىڭ ىرگەتاسى قالانعانىنا اتتاي-25 جىل!
«بيجان» جشس ديرەكتورىنىڭ ورىنباسارى باقىتجان قادىرباەۆتىڭ ايتۋىنشا، مۇندا شيكىزات ءونىمى ءوز ەلىمىزدەن اكەلىنەدى. كومپانيانىڭ كوكشەتاۋ قالاسىندا ءىرى قارا، مال بورداقىلايتىن ورنى بار. سول سەبەپتى ولارعا شيكىزاتتى تاسىمالداۋ قيىنعا سوقپايدى. الماتىداعى كاسىپورىندا 235 ادام جۇمىس ىستەيدى. مۇندا جۇمىسشىلارعا بارلىق جاعداي جاسالعان. كاسىپورىننىڭ الماتىدا – 20, استانادا – 8 فيرمالىق دۇكەنى بار، – دەيدى ديرەكتوردىڭ ورىنباسارى باقىتجان قادىرباەۆ.
كاسىپورىن «قازاقستان حالىق بانكى» اق ارقىلى «باسىمدى جوبالاردى نەسيەلەندىرۋ جانە قارجىلىق ليزينگ تەتىگى» باعدارلاماسى بويىنشا ينۆەستيتسيانى قارجىلاندىرۋعا يە بولعان. باعدارلاما شارتتارىنا سايكەس سىياقى مولشەرلەمەسىنىڭ سۋبسيديالاناتىن بولىگى جىلدىق 15%-دىڭ 9%-ىن قۇرايدى. بۇگىندە جاڭا زاۋىتتىڭ ارقاسىندا جاڭا جۇمىس ورىندارى اشىلعان.
باسقا ماتەريالدار
Adyrna.kz ۇلتتىق پورتالىنىڭ ماڭىزدى اقپاراتتارىنا جازىلۋ
سوڭعى جاڭالىقتار تۋرالى حاباردار بولىڭىز