«2023 جىلدىڭ ۇزدىك ءمينيسترى» اتاعىن قر وقۋ-اعارتۋ ءمينيسترى عاني بەيسەمباەۆ يەلەندى. ول بۇل قىزمەتكە 2023 جىلعى قاڭتاردان باستاپ كىرىستى. «ەرەن ەڭبەگى ءۇشىن» مەدالىمەن ماراپاتتالعان.
«2023 جىلدىڭ ۇزدىك دەپۋتاتى» اتاعىنا قازىبەك يسا لايىق دەپ تانىلدى.
“اق جول” پارتياسى دەپۋتاتى قازىبەك يسا ءماجىلىس مىنبەرىنەن ۇلتتىق قۇندىلىق، ەل، جەر جانە مەملەكەتتىك ءتىل ماسەلەسىنە قاتىستى وتكىر دە وزەكتى تاقىرىپتاردى قوزعاپ جۇرگەنىمەن بەلگىلى.
«2023 جىلدىڭ ۇزدىك اكىمى» - قىزىلوردا وبلىسىنىڭ اكىمى نۇرلىبەك نالىباەۆ بولدى.
نۇرلىبەك ماشبەكۇلى «قۇرمەت»، «پاراسات» وردەندەرىنە جانە “قازاقستاننىڭ قۇرمەتتى قۇرىلىسشىسى” اتاعىنا يە.
«2023 جىلدىڭ ۇزدىك ەكونوميسى»- مۇحتار تايجان بولدى.
مۇحتار تايجان حالىق اراسىندا اشىقتىعى مەن ءتۇرلى قارجىلىق ساراپتامالارىمەن ەستە قالدى.
«2023 جىلدىڭ ۇزدىك ساياسي ساراپشىسى»
اتاۋىنا دوسىم ساتباەۆ لايىق دەپ تانىلدى. ول بيىل ءتۇرلى ساياسي زەرتتەۋلەر جۇرگىزىپ، اشىق پىكىر ءبىلدىرىپ، ماڭىزدى وزگەرىستەردى قالت جىبەرمەي ەل جادىندا قالدى.
«2023 جىلدىڭ ۇزدىك ءجۋرناليسى» اتاعىن ەرقانات كوپجاسار يەلەندى. ۇلتتىق ارنانىڭ “اشىق الاڭ” باعدارلاماسىنىڭ جۇرگىزۋشىسى حالىق اراسىنداعى ءتۇرلى تاقىرىپتاردى قوزعاپ بەلسەندىلىك تانىتتى.
«2023 جىلدىڭ ۇزدىك زاڭگەرى» اتاعىن باقىتجان بازاربەك الدى. باقىتجان جۇمابەكۇلى VIII سايلانعان قر پارلامەنتى ءماجىلىسىنىڭ زاڭناما جانە سوت-قۇقىقتىق رەفورما كوميتەتىنىڭ مۇشەسى. ءماجىلىس مىنبەرىنەن زاڭ باعىتى بويىنشا ماڭىزدى ماسەلەلەردى قوزعاۋىمەن ەستە جۇرگەن ەلەۋلى دەپۋتاتتاردىڭ ءبىرى.
«2023 جىلدىڭ ۇزدىك اكتەرى» - داريعا بادىقوۆا بولىپ تانىلدى. ساۋالناما ناتيجەسى بويىنشا ءبىرىنشى ورىندى يەلەنگەن داريعا بادىقوۆا بيىل ءتول تۋىندىسىن ۇسىنىپ، از ۋاقىت ىشىندە ميللياردتان استام قاراجات جيناعان تانىمال اكتريسا.
سوڭعى نوميناتسيا «2023 جىلدىڭ ۇزدىك بلوگەرى» اتاعى بويىنشا حالىق ىرىسبالا يكرامبايدى ىلگەرىلەتتى.
ىرىسبالا يكرامباي حالىق جاناشىرى رەتىندە تانىمال بلوگەر. ول بىرنەشە قازاقستاندىقتارعا باسپانا سىيلاپ، ءوزىنىڭ قايىرىمدىلىق قورىن بەلسەندى جۇرگىزۋىمەن ەل ەسىندە.
“ادىرنا” ۇلتتىق پورتالى
