«مايقايىڭ-التىن» اق تاۋ-كەن اۋدانىندا قۇلاعان اۆتوبۋستىڭ استى شۇڭقىر بولۋى مۇمكىن. بۇل تۋرالى توتەنشە جاعدايلار ۆيتسە ءمينيسترى ايتتى، دەپ حابارلايدى “ادىرنا” ۇلتتىق پورتالى.
"مايقايىڭالتىنداعى" قازۋ جۇمىستارى بۇگىنشە توقتاتىلدى. بۇگىن تاعى تابىلمادى. تۇندە قازۋ ەكسكاۆاتور ءۇشىن قاۋىپتى. بۇگىن تج ۆيتسە ءمينيسترىنىڭ ايتۋىنشا، اۆتوبۋستىڭ استى شۇڭقىر بولۋى مۇمكىن”، دەپ جازدى وقيعا ورنىنان جۋرناليست وڭعار قابدەن سارسەنبى كۇنى.
ازىرگە اۆتوبۋستىڭ ءنومىرى، سومكە، قۇتقارۋشىلاردىڭ جۇمىس قۇجاتتارى مەن اۆتوبۋستىڭ شاناق بولشەگى تابىلعان. سونداي-اق، كينولوگتار تۇسىرگەن يت اۆتوبۋس جاتىر دەگەن جەردەن ءۇرىپ بەلگى بەرگەن.
توتەنشە جاعدايلار ءمينيسترىنىڭ ورىنباسارى باۋىرجان سىزدىقوۆتىڭ ايتۋىنشا، مايقايىڭ كەنىشىندە شۇڭعىرعا ءتۇسىپ كەتكەن اۆتوبۋستاعى 2 ادام ءتىرى بولۋى مۇمكىن.
“وڭ بولجام بار. بىراق ازىرگە ناقتى كۇنى مەن ۋاقىتىن ايتا المايمىز. جاعداي كۇردەلى، مۇنداي وپەراتسيا بۇرىن بولماعان. وتە مۇقيات جۇمىس ىستەۋ كەرەك”، - دەدى ول.
ەستەرىڭىزگە سالا كەتەيىك، 4 قاڭتارعا قاراعان ءتۇنى «مايقايىڭالتىن» اق اۋماعىندا مايقايىڭ شاحتاسىنىڭ شاحتاسىنا جاقىن جەردە ءتورت جولاۋشى مىنگەن اۆتوبۋس ويىققا قۇلاپ كەتكەن بولاتىن. ودان بەرى ون ءتورت كۇن ءوتتى. قازۋ جۇمىستارى ءجۇرىپ جاتىر.
