فرانتسيانىڭ استاناسى پاريجدە لۋۆر مۇراجايىندا تۇرعان لەوناردو دا ءۆينچيدىڭ XVI عاسىرداعى ەرەكشە تۋىندىسى – “مونا ليزاعا" ەكواكتيۆيستەر سورپا شاشقان، دەپ حابارلايدى “ادىرنا” ۇلتتىق پورتالى.
بەلسەندىلەر بيلىكتىڭ اۋىل شارۋاشىلىعى سالاسىنداعى ساياساتىنا وسىلاي قارسىلىق بىلدىرمەك بولعان.
ال تاريحي جادىگەر وق وتكىزبەيتىن اينەكپەن قاپتالعاندىقتان ەشقانداي زاقىم كەلمەگەن.
باقىلاۋ كامەراسىنداعى ۆيدەودان ەكى ايەلدىڭ «ءبىزدىڭ اۋىل شارۋاشىلىعى جۇيەمىز اۋىرىپ جاتىر» دەگەن سوزبەن «پايدالى تاعامعا» قۇقىعىن تالاپ ەتكەنىن كورۋگە بولادى.
ەسكە سالا كەتەيىك، سوڭعى ءبىر اپتا بويى فرانتسيادا فەرمەرلەر سالىقتىڭ وسۋىنە، جانار-جاعارماي مەن مال ازىعىنىڭ قىمباتتاۋىنا بايلانىستى نارازىلىق جيىندارىن وتكىزىپ جاتىر.
