تالدىقورعاندىق وقۋشىلار قاتارداعى بۇۇ مودەلىندە

5389
Adyrna.kz Telegram

تالدىقورعانداعى فيزيكا-ماتەماتيكا باعىتتاعى نازارباەۆ زياتكەرلىك مەكتەبىنىڭ دەلەگاتسياسى قاتاردان ورالدى. دوحا قالاسىنداعى دجوردجتاۋن ۋنيۆەرسيتەتىنىڭ ۇيىمداستىرۋىمەن وتكەن MODEL UNITED NATIONS XVI حالىقارالىق كونفەرەنتسياسىندا زياتكەرلىك مەكتەپ وقۋشىلارى ەل نامىسىن قورعادى.

بيىلعى اۋقىمدى جاستار فورۋمىندا 108 ەلدەن كەلگەن 650-دەن استام قاتىسۋشى الەمدەگى ەڭ وزەكتى ماسەلەلەردىڭ شەشىمىن تالقىلاۋ ءۇشىن بۇۇ-نىڭ ديپلوماتى بولىپ كورىندى.

قازاقستان كومانداسىنىڭ قۇرامىندا سەمەي، الماتى، قوستاناي، پاۆلودار جانە تالدىقورعان نزم-نەن 42 وقۋشى قاتىستى.

كونفەرەنتسيا ناتيجەسىندە تالدىقورعان قالاسىنداعى نازارباەۆ زياتكەرلىك مەكتەبىنىڭ 12 سىنىپ وقۋشىسى ەسكەندىر جانسەڭگىر دجوردجتاۋن ۋنيۆەرسيتەتىنىڭ باس حاتشىسى Nagla Abdelhady, سونداي-اق GU-Q ءبىلىم بەرۋدى دامىتۋ جونىندەگى مەنەدجەرى Jibin Koshy اتىنان «ۇزدىك ديپلوماتيالىق شەبەرلىگى» نوميناتسياسىمەن ماراپاتتالدى.

 ارينە، بۇل كونفەرەنتسياعا قاتىسۋ ماعان ۇلكەن تاجىريبە اكەلدى. اعىمداعى پروبلەمالاردى تالقىلاۋ كەزىندە ءاربىر ادام ديپلومات بولۋدى ۇيرەنەدى، ءتىلىن دامىتادى، دالەلدەردى قولدانۋدى جانە بەلگىلى ءبىر شەكارادان تىس ويلاۋدى ۇيرەنەدى. كەدەرگىلەرگە كەزىككەندە شىعارماشىلىقتى تانىتۋعا تىرىستىم، - دەپ ەسكەندىر ءوز اسەرىمەن ءبولىستى.

بۇل جاستار كونفەرەنتسياسىنا 12-سىنىپ وقۋشىسى ءامىرلان قايناربەكوۆ ەكىنشى جىل قاتىسىپ وتىر. بۇل جولى ول ليۆان مەملەكەتىنىڭ دەلەگاتسياسىن ۇسىندى. سۇحباتىندا ول كونفەرەنتسياداعى تاجىريبەسى تۋرالى دا ايتتى.

ءارتۇرلى تاقىرىپتار تالقىلاندى: مىسىرداعى ءباسپاسوز بوستاندىعى، 2022 جىلعى الەم چەمپيوناتىنا دايىندىق كەزىندەگى جۇمىسشىلاردىڭ قۇقىقتارىنىڭ بۇزىلۋى. كونفەرەنتسيا بارىسىندا تالانتتى پىكىرسايىسشىلارمەن تانىستىم جانە ءوزىمنىڭ سىني كوزقاراسىمدى كورسەتە ءبىلدىم. جالپى، ءبىزدىڭ قازاقستاندىق وقۋشىلاردىڭ دايىندىعى جوعارى دەڭگەيدە بولدى دەپ تولىق ماقتانا ايتا المىن، - دەيدى ءامىرلان.

كونفەرەنتسيادا مادەني كەزدەسۋلەر دە بولدى.

بىرىككەن ۇلتتار ۇيىمىنىڭ مودەلى – حالىقارالىق ساياسات پەن ديپلوماتيا تۋرالى ءبىلىم الۋ ءۇشىن شەتەلدىك ديپلوماتتاردىڭ رولدەرىن الاتىن بىرىككەن ۇلتتار ۇيىمىنىڭ ستۋدەنتتىك سيمۋلياتسياسى بولىپ تابىلادى.

پىكىرلەر